မော့င်အတွက် ဒိုင်ယာရီ ~ YaWai (ပိုင်စိုးသူ)

နွေး လောက အလယ်မှာ အေးအေးချမ်းချမ်းနဲပဲ အသက်ရှင်ချင်တယ်။သူတစ်ပါးကို ရေခြားမြေခြားမှာ ပူပန်နေရမှာကို မလိုလားဘူး။သူများကလည်း ကိုယ့်ကို စိတ်ပူနေမှာ မဖြစ်စေချင်ဘူး။ဘ၀နှစ်ခု ပေါင်းစပ်ဖို့အတွက် အခြေခံအားဖြင့်တော့ ငွေကြေးက လိုအပ်ပါတယ်။နွေး ကိုယ်တိုင်ကလည်း ငွေမမက်ဘူးလားဆိုတော့မဟုတ်ပါဘူး။မက်ပါတယ်။ဒါပေမဲ့ ကိုယ်နဲ့တန်သလောက်ပဲပေါ့။ အချိန်ကာလအတန်ကြာ ခွဲနေရမယ် နွေးချစ်းသူကို နွေး စိတ်မချဘူး။သူက နွေးရဲ့ ယောက်ျား ပါ။နွေးတို့နဲ့ အိမ်ထောင်သက်တမ်းက အခုမှ ၁နှစ်ပဲ ရှိသေးတယ်။အချိန်ကာလ သက်တမ်းနုနုလေးမှာနွေးသူနဲ့ မခွဲနိုင်ဘူး သူကို အဝေးမသွားစေချင်ဘူး။မောင့်တစ်မျက်နှာ တစ်ရွာထင်ပြီးတော့ နွေးက အဝေးကနေ လိုက်လာခဲ့ရတဲ့သူပါ။ဘာကြောင့်ပဲဖြစ်ဖြစ် မောင် နွေးကို ခွဲသွားမှာ မလိုလားဘူးပေါ့။

                                        နွေး မောင့်ကို လေယာဉ်ကွင်းလိုက်ပို့ရတဲ့ နေ့က တကယ် စိတ်ညစ်ရတယ်။နွေးက သူများတကာတွေလို့မောင့်ကို ချွှဲနွဲ့ပြီးလည်း မပြောတတ်ဘူး။မောင့်ကို သတိရနေမယ်ဆိုတာကတော့ အမှန်ပါပဲ။မုသားပါတဲ့ စကားကို မောင့်ရှေ့မှာ နွေး ဘယ်သော အခါမှ မပြောခဲ့ပါဘူး။နွေး က မောင့်ကို ရိုးရိုးသားသားပဲ ဆက်ဆံခဲ့တာပါ။မိဘတွေရဲ့ ရင်ခွင်အောက် တရပ်တကျေးကနေပြီးတော့ နွေး ခွဲထွက်ပြီး မောင့်နောက် လိုက်လာခဲ့တာပါ။မောင် မရှိတဲ့ ပတ်ဝန်းကျင်မှာ နေခဲ့ရမှာတော့ အားငယ်မိတယ်။မောင်နဲ့ ခွဲနေရမယ်လို စိတ်မကူးခဲ့ဘူးဘူး။ဒါပေမဲ့ အနာဂတ်အတွက် မောင်ရှာဖွေ နေတာပဲလို့ တွေးမိလိုက်ပြန်တော့လည်းမောင့်ကို အရမ်းသနားမိတယ်။နွေးတို့ရဲ့ မမြင်ရသေးတဲ့ ရင်သွေးလေးတွေ အတွက်ကို နွေးကိုယ်တိုင်လည်း လိုလိုလားလားနဲ့ပြည့်ပြည့်စုံစုံ ထားချင်တဲ့အတွက် မောင် တစ်မြေခြားသွားမှာကို ခွင့်ပြုခဲ့တယ်။ရင်သွေးလေးတွေ မရသေးပေမဲ့ရှိလာခဲ့ရင်ဆိုတဲ့ အတွေးက နွေးရင်ကို ပြီးပြည့်စုံစေတယ်။

                                        လေယာဉ်ထွက်ခွာဖို့ အကြောင်းကြေငြာချိန်ရောက်တော့ နွေး လေဆိပ် ၀ရန်တာကနေ မောင့်ကို ထွက်စောင့်ပြီးရပ်ကြည့်နေမိပါတယ်။မောင့်ကတော့ နွေးကိုတွေ့လို့လားဒါမှမဟုတ် မောင်ပေးထားတဲ့ပုဝါအနီလေးကိုတွေ့လို့လား ဒါမှမဟုတ်လူအားလုံးကိုပဲလက်ပြ နှုတ်ဆက်တာလား နွေးမသိဘူး ။တဖြည်းဖြည်းနဲ့ နှုတ်ဆက်သွားတယ်။လေယာဉ်ကြီးက တိမ်တွေထဲတိုးဖောက်နေသွားတဲ့ အချိန်အထိ နွေး လေယာဉ်ကြီးနဲ့အတူမောင့်ကို ငေးကြည့်မိနေတုန်းပဲ။အခုလိုမျိုး မောင်မပါတဲ့ အိမ်အပြန်လမ်းကို နွေးတစ်ယောက်တည်း ပြန်ရမယ်လို ဘယ်အချိန်ကမှ မတွေးမိခဲ့ဘူး။နွေး တစ်ယောက်တည်း မောင်မရှိတဲ့ အိမ်လေးမှာနေရမယ်လို့လည်း စိတ်မကူးမိခဲ့ဘူး။အချိန်တွေ ပြောင်းလဲလာရင် နွေးလည်း အသားကျသွားမှာပါ။မောင့်ကိုတော့ စိတ်မချဘူးပေါ့။မောင်ရေ........မောင် မရှိတဲ့ ဒီနေ့မှာတော့ နွေး စောစော အိပ်ရာဝင်ခဲ့တယ်ကွယ်။မောင့်ကိုလည်းအရမ်းလွမ်းတာပဲ။

                                        မောင်ရေ..ဒီနေ့တော့ မောင်မရှိလို နွေး ဘာလုပ်ရမလဲလို စဉ်းစားနေမိတယ်။ပထမဆုံးမောင်နေတိုင်းဖျော်ပေးနေတဲ့ကော်ဖီကိုလည်းနွေးလွမ်းတယ်။တစ်နှစ်ဆိုတာ ဘာမှ မကြာပေမဲ့လည်း နွေးတစ်ယောက်တည်း နေရတော့ ယောင်ချာချာနဲ့ဘာလုပ်လို့ ဘာကိုင်ရမှန်း မသိအောင်ဖြစ်နေတယ်။နွေး မောင့်ဖျော်ပေးတဲ့ကော်ဖီကိုလွမ်းပေမဲ့ မသောက်ချင်ဘူး။အဲဒါနဲ့ နွေးအောက်ထပ်ဆင်းပြီး ခေါက်ဆွဲသုတ်ဝယ်စားတယ်။မောင်သိရင်တော့ ပြောမှာပဲနော။လမ်းဘေးစာတွေ စားရသလားလို့ပေါ့။နွေး မုန့်စားပြီးတော့ မနက်လမ်းလျှောက်တယ်။သြော်....မေ့လို့မောင်ရယ်..နွေးအသုတ်စားပြီး လက်ဖက်ရည်ဆိုင်ထိုင်သေးတယ်။မိန်းကလေးတွေ လက်ဖက်ရည်ဆိုင် ထိုင်တာ မသင်တယ်ဘူး ဆိုပေမဲ့ အခုခေတ် ကောင်မလေး အပျိုလေးတွေလည်းထိုင်နေပါပြီ မောင်ရယ်။နွေးလက်ဖက်ရည် ပုံမှန် တစ်ခွက်သောက်ပြီး ပြန်လာခဲ့တယ်။နွေး လာပြန်တော့ ဈေးက သိမ်းသွားပြီ။အင်း..........မောင် သာသိရင် နွေးကို ပြောမှာပဲ။အိမ်ထောင်ရှင် မိန်းကလေးဖြစ်ပြီး ဒီလောက် လမ်းသလားရလားလို့ပေါ့။

                                         မောင်ရေ........အခုတလော နွေး အိပ်ရာထ နောက်ကျလို့ မနက်စာစားချိန်လွတ်နေတာများပြီ။မောင်မရှိလို့အရင်လို နွေးကို စောင့်ကြည့်မယ့်လူမရှိတော့ဘူးလေ။အင်း........တစ်ခါတစ်လေဆိုရင် နွေး အပြင်မှာပဲ ၀ယ်စားလိုက်တာများတယ်။ဒါမှမဟုတ်ရင်လည်း ခေါက်ဆွဲပြူတ်ဘူးတွေရှိနေပြီလေ..နွေးကတော့လွယ်လွယ်ကူကူပြူတ်စားလိုက်တာပဲ။မောင်ကတော့ပြောမှာပေါ့...စည်းမရှိ ကမ်းမရှိ စည်းပျက် ကမ်းပျက်ဆိုပြီး။

                                      မောင်ရေ........အိမ်မှာ အ၀တ်လျှော်မယ့် မိန်းမကလည်း မလာတာကြာပြီ...နွေးသွားခေါ်တော့လည်း သူက ခရီးထွက်သွားတယ်တဲ့။နွေးရဲံ အကျီင်္တွေလည်း အညစ်တောင်းထဲမှာ ပုံနေပြီ။အင်....အနံတောင်ထွက်နေပြီလားမသိဘူးမောင်ရယ်။မောင်သာ နွေးအနားမှာရှိရင် နွေးကို အိမ်ထောင်ရှင်မကောင်း တစ်ယောက်မပီသဘူးလို့  ပြောဦးမယ် ထင်ပါရဲ့............

                                 မောင်ရေ.........နွေး အခုတစ်လော ဘာလို အိပ်ရာထ နောက်ကျလဲ မောင်သိလား။နွေး လူရွင်တော်တွေ ပြောသလို ပြောရရင်တော့ တရုတ်က အပြန်ထမင်းစားပြီး ကိုးရီးယားက အပြန် လက်ဖက်ရည်သောက်နေလို့ပေါ့။ကိုးရီးယားဇာတ်လမ်းတွေက တော်တော် ဆွဲဆောင်မှုရှိတာပဲ မောင်ရေ။နွးတော့ ည ၂ နာရီ ၃နာရီ ထိကို တစ်ယောက်တည်း ထိုင်ကြည့်နေမိတယ်။ဇာတ်လမ်းတွဲတွေကလည်း အပိုင်းတွေ အများကြီး အခွေကလည်း အများကြီး ၀ယ်ရတာပေါ့။မောင်သာ သိရင် နွေးကို စီးတဲ့ရေကို ဆည်တဲ့ကန်သင်းလည်းမရှိဘူး....အသုံးအဖြုံးကြီးတဲ့မိန်းမလို ပြောဦးမှာပဲနော။

                                 မောင်ရေ.......မောင်မရှိတဲ့ အချိန်လေ နွေး အင်းယားမှာလည်း လမ်းသွားလျှောက်တယ်။ကန်တော်ကြီးလည်းနွေး သွားတယ်။အင်း...မောင်ရေ..အင်းယားမှာနွေးဘူးဘီးကြော်တောင် ၀ယ်စားခဲ့သေးတယ်ရှင်....သိရဲ့လား။မောင့်ကို လည်း နွေး တမ်းတတယ်။ဒါပေမဲ့ မောင်ရယ် မောင်မရှိတော့နွေး ပိုလွတ်လပ်နေတယ်။အင်....နွေး အခုလိုပြောမိတော့ မိန်းကလေး သူငယ်ချင်း အများစုက သဘောမကျကြဘူးမောင်ရဲ့။နွေးပြောတာက မောင် ဆိတ်ကွယ်ရာမှ နွေး ဖောက်ပြန်နေတာမဟုတ်ပါဘူး။နွေး လွတ်လွတ်လပ်လပ်နေနေတာပါ။နွေး မောင်မရှိလို့ အပျော်ရှာနေတာမဟုတ်ပါဘူး။ နွေး ကိုယ်ဘာသာ ပျော်စရာတွေ ဖန်တီးနေတာပါ။တကယ်တော့ လူတွေ အားလုံးက သူတိုကို မျက်စိဒေါက်ထောက်ကြည့်နေမယ့် မိဘတွေ ယောက်ျားတွေ မရှိရင် လွတ်လပ်ပြီး ကိုယ်လုပ်ချင်ရာ တစ်ခုခုကို ဖန်တီးခဲ့တာပဲလေမဟုတ်လားမောင်ရယ်။ချစ်သူတွေ ဘ၀မှာတောင်မှ အချိန်ကာလအပိုင်းအခြားလေးတွေ နေရတာတောင်မှ ချုပ်ချယ်မှုရှိလာရင် ဒါကို ပိတ်ပင်တယ်လိုထင်လာကြတာပဲ။နွေးက မောင် မသိအောင် မဖောက်ပြန်ဘူး။သူများကိုလည်း စိတ်ဒုက္ခဖြစ်အောင်မလုပ်ဘူး။သူများ လင်ယောက်ျားကိုလည်း မပြစ်မှားဘူးလေ မောင်ရဲ့။

                                  မောင်ရေ..................သွားခဲ့တဲ့ ၃ နှစ်ဆိုတဲ့ အချိန်က အခုတော့လည်း ဘာမှ မဟုတ်ပဲနဲ့ ကုန်ဆုံးသွားသလိုပါပဲ။မောင် ပြန်လာမယ်လို့ ဖုန်းဆက်ပြောတဲ့ အချိန်တုန်းကလည်း နွေး ရူး သွားမတတ် ပျော်ခဲ့ရပါတယ်။မောင့်ကိုလွမ်းဆွတ်တဲ့ အချိန်တွေကနေ ကျော်ဖြတ်နိုင်ပြီး ဆိုပြီး နွေး ၀မ်းသာမိပါတယ်။ဒါတွေက နွေး မုသားတွေပြောပြီး လီဆည်လုပ်ကြံနေတာမဟုတ်ပါဘူး။ မောင် ပြန်လာခဲ့ရင် မောင်နဲ့ အတူတူ ရှိခဲ့တုန်းကလို့ မနက်ဆို ၅နာရီခွဲ ထလို့ ဘုရား သောက်တော်ရေကပ်၊ပန်းကပ်၊ဆီးမီးကပ်၊ပြီးရင်မောင်ဖျော်ပေးတဲ့ကော်ဖီကိုသောက် မောင်အလုပ်သွားတဲ့ အချိန်ဆို နွေးက အိမ်အလုပ်တွေလုပ် လျှော်ဖွပ် မီးပူတိုက်ရင်းနဲ့ မောင်နဲ့ နွေးတို့လိုချင်တဲ့ သားသမီး ရတနာလေးတွေကို စောင့်မျှော်ရင်းနဲ့ သက်ဆုံတိုင်အောင် ဘ၀သက်ဆုံးလက်တွဲသွားမှာပါမောင်ရယ်..။နောင် သားသမီးတွေ ရခဲရင်လည်း မောင်နဲ့နွေးတို့ရဲ့ အချစ်အကြောင်းလေးတွေ ပြောပြရင်းနဲ့ မောင့်ရဲ့ ရင်ခွင်ထဲမှာပဲ နွေးရဲ့ ၀င်သက်ထွက်သက်တွေ ကုန်ဆုံးပါရစေမောင်ရယ်..။

Forword mail သာဖြစ်သည်။

These icons link to social bookmarking sites where readers can share and discover new web pages.