ကိုကိုကြီးနှင့် ခဏတာ ~ YaWai (ပိုင်စိုးသူ)

မေး- ကိုကိုကြီးအခုတခေါက်အကျဉ်း ထောင်ကလွတ်မြောက်လာတဲ့အခါအပြောင်း အလဲတချို့ဖြစ်လာတယ်ဒီအပြောင်းအလဲ တွေဟာဘာကြောင့်ဖြစ်လာပေါ်လာသလဲ လို့သုံးသပ်မိပါသလဲခင်ဗျာ။
ဖြေ- ကျွန်တော်တို့မြင်တာကတော့ ဒီနေ့ နိုင်ငံကိုဦးဆောင်နေတဲ့ပုဂ်္ဂိုလ်တွေက ပြုပြင်ပြောင်းလဲမှုတွေမလုပ်ရင်မဖြစ်တော့ ဘူးဆိုတာလိုသူတို့ကိုယ်တိုင်တကယ်နား လည်သဘောပေါက်လာလိုဖြစ်တယ်ထင်ပါ တယ်။ ဘာဖြစ်လို့လဲဆိုတော့အရင်တုန်း က နိုင်ငံရေးအပြောင်းအလဲတွေမှာ အဓိက ကျတဲ့အဖွဲ့အစည်းတွေကိုဘေးဖယ်ပြီးပြု ပြင်ပြောင်းလဲဖို့ကြိုးစားခဲ့ကြတယ်။ ဒါပေမဲ့ တကယ့်တကယ်နိုင်ငံတော်ကိုဖွံ့ဖြိုးတိုး တက်အောင်လုပ်ဖို့ကြိုးစားမယ်ဆိုရင် ဒီအဖွဲ့အစည်းတွေ ဒီပုဂ်္ဂိုလ်တွေအခန်း ကဏ္ဍတွေမပါဘဲနှင့် နိုင်ငံတော်ဖွံ့ဖြိုးတိုး တက်မှုလုပ်ငန်းစဉ်တွေကို မလုပ်နိုင်ဘူးဆို တာကို သူတို့ကိုယ်တိုင်တကယ်နားလည် သဘောပေါက်လာလိုလို့ထင်ပါတယ်။
မေး- ဒီအပြောင်းအလဲတွေမှာ ၈၈ ခေါင်း ဆောင်တွေက ဘယ်လိုအခန်းကဏ္ဍတွေ က ပါဝင်လုပ်ဆောင်သွားမယ်လို့ဆုံးဖြတ် ထားပါတယ်။
ဖြေ- ကျွန်တော်တို့ပြောရရင်တော့ ကျွန်တော်တို့စလုပ်ခဲ့တာက ၁၉၈၈ ရှစ် လေးလုံးအရေးတော်ပုံကြီးမတိုင်ခင်ကတည်း က စလုပ်ခဲ့တာဆိုတော့ ဒီအပြောင်းအလဲ တွဲကို ၈၈ အရေးတော်ပုံကြီးရဲ့အခန်းက ကဏ္ဍမပါဘဲနှင့် စလုပ်လို့တော့မဖြစ်နိုင် ဘူးလို့ ကျွန်တော်တို့ထင်ပါတယ်။ ဘာဖြစ် လို့လဲဆိုတော့ ကျွန်တော်တို့မျိုးဆက်ဟာ နယ်ပယ်အသီးသီးမှာ ပြန့်နှံ့နေတာများ ပါတယ်။ ဒီအပြောင်းအလဲမှာ ကျွန်တော် တို့နိုင်ငံရေးနယ်ပယ်တွင် သာမကဘဲ အခြားနယ်ပယ်အသီးသီးမှာလူမှုရေးလုပ် ငန်းနယ်ပယ်မီဒီယာနယ်ပယ်ဝန်ထမ်းကဏ္ဍ အသီးသီးမှာပါ ကျွန်တော်တို့ ၈၈ မျိုးဆက် တွေက ပြန့်နှံ့နေတာပါ။ အဲဒီတော့ အဲဒီ အင်အားစုတွေအားလုံးက နားလည်မှုရှိ ရှိနှင့် စုစည်းတည်ဆောက်ကြမယ်ဆိုရင် ကျွန်တော်တို့ကိုလူအဖွဲ့အစည်းပြုပြင် ပြောင်းလဲမှုမှာ အရှိန်အဟုန်ဖြစ်လာမယ် လို့ကျွန်တော်တို့မြင်ပါတယ်။
မေး- အခုကြားဖြတ်ရွေးကောက်ပွဲမှာ ၈၈ မျိုးဆက်ကျောင်းသားခေါင်းဆောင်တွေ မပါဝင်ဘူးလို့ကျွန်တော်သိထားပါတယ်။ အဲဒီတော့ ၂၀၁၅ မှာကော ရည်ရွယ်ချက် ရှိပါသလား။
ဖြေ- အဲ ၂၀၁၅ မှာတော့ ကျွန်တော် တို့အထဲက နိုင်ငံရေးနယ်ပယ်ထဲမှာ ထဲထဲ ၀င်ဝင် ၀င်ရောက်ဆောင်ရွက်မူတွေပေါ် လာမှာပါ သေချာတာကတော့ ကျွန်တော် တို့အသက်အရွယ်အရကျောင်းသားနိုင်ငံ ရေးဆိုတာ ရေရှည်သွားလို့ရနိုင်တာမဟုတ် ပါဘူး။ နိုင်ငံရေးကိုဇောက်ချပြီးလုပ်မယ့် အင်အားစုတစ်စုပေါ်လာမှာပါနိုင်ငံရေး ပုံသဏ္ဍာန်သစ်တစ်ခုပေါ်လာမှာ။
မေး- အကျဉ်းထောင်ထဲမှာ နှစ်တွေအကြာ ကြီးနေလာခဲ့တာဖြစ်လို့ အပြင်နိုင်ငံရေး လောကမှာ လူထုထောက်ခံမှုကြည်ညိုလေး စားမှုတွေရထားတာမှန်ပေမယ့် ကိုကိုကြီး တို့အခက်အခဲတွေမရှိဘူးလား။
ဖြေ- ရှိပါတယ်။ အမှန်က ကျွန်တော်တို့ ဟိုတုန်းကဆိုရင် အာကာသယာဉ်တွေ ပြန်ဆင်းတဲ့အခါကြားမှာ ချိန်တာတစ်ခု ထားပြီးတော့ ဒီကမ္ဘာမြေပြင်ရဲ့လေထုဖိ အားတွေဆွဲငင်အားတွေနှင့် ညှိသွားတဲ့ အချိန်ကာလတစ်ခုရှိပါတယ်။ ကျွန်တော် တို့လည်းဘဲထောင်ထဲမှာနှစ်တွေအကြာ ကြီးနေလာပြီးတော့ မြန်မာ့လူအဖွဲ့အစည်း ထဲမှာ တက်တက်ကြွကြွပါဝင်ဆောင်ရွက် ကြမယ်ဆိုတဲ့အခါကျွန်တော်တို့အနေနှင့် အချိန်ကာလတစ်ခုပြန်ပြီးလေ့လာဖို့သုံး သပ်ဖို့လို့ပါတယ်လွတ်လာပြီ။ တစ်ပတ် ကျော်ကျော်ကာလတစ်ခုမှာ လုပ်တဲ့ကိစ္စ က ကျွန်တော်တို့နိုင်ငံကျွန်တော်တို့လူ့ အဖွဲ့အစည်းအကြောင်းအမြန်ဆုံးသိဖို့နား လည်းဖို့ခြုံငုံမိအောင်ကျွန်တော်တို့ကြိုးစား နေပါတယ်။ ကျွန်တော်တို့လက်တွေ့ကျ ထိရောက်မှုရှိအောင်ဆက်လက်ကြိုးစား ဆောင်ရွက်သွားမှာပါ။
မေး- ၈၈ ကျောင်းသားခေါင်းဆောင် ဟောင်းတွေမှာ အရွယ်ကဒုတိယအရွယ်ဆို တော့ ၈၈ ကျောင်းသားခေါင်းဆောင်တွေ ကို ၈၈ မျိုးဆက်အချင်းချင်းကဘဲထောက် ခံနေတာမျိုး ဒါမှမဟုတ်ရင် ဒီကျောင်း သားခေါင်းဆောင်တွေထောင်ထဲမှာ အကြာ ကြီးနေခဲ့ရလို့ကျောင်းသားလှုပ်ရှားမှုခါး ဆက်ပြတ်မသွားနိုင်ဘူးလား။
ဖြေ- ကျွန်တော်တို့အခုနယ်ဒေသအသီး သီးကို ခရီးစဉ်တွေထွက်ခဲ့တုန်းက ဒီကိစ္စ ကရှင်းသွားပါတယ်။ ကျွန်တော်တို့ကို လှိုက်လှိုက်လှဲလှဲကြိုဆိုကြတဲ့ သူတွေက ကျောင်းသားတွေချင်းမဟုတ်ဘူး။ ဒေသ အသီးသီးကအလွှာအသီးသီးကပြည်သူ တွေ အဖွဲ့အစည်းတွေအားလုံးပါဝင်ကြ ပါတယ်။ မျိုးဆက်သစ်ကျောင်းသားတွေ ပါပါတယ်။ လူထုဟာ မျှော်လင့်ချက်ထား ပါတယ်အပြောင်းအလဲကို မျှော်လင့်နေ ပါတယ်။ ကျွန်တော်တို့ကလည်းဒါကိုတာ ၀န်ကြီးတစ်ခုသဖွယ်ခံယူပြီးအောင်မြင် အောင်အကောင်အထည်ဖော်အောင်ကြိုး စားဆောင်ရွက်သွားမှာပါ။
မေး- အစိုးရပိုင်းထဲက သဘောထားတင်း မာသူများကြောင့် နောက်ကြောင်းပြန်လှည့် သွားနိုင်တယ်ဆိုတဲ့သဘောထားမှတ်ချက် ကြားနေရပါတယ်။ အဲဒီတော့ ယနေ့ မြန်မာနိုင်ငံမှာ ဖြစ်နေတာတွေက မှန်မှန် ကန်ကန်ဖြစ်နေသွားနေတယ်။ ဘယ်လို အခက်အခဲတွေရှိနေပါသလဲသိချင်ပါတယ်။
ဖြေ- အဲတာက အဖွဲ့အစည်းဆိုတော့ တသဘောတည်းမရှိနိုင်ပါဘူး။ လက်ရှိ အစိုးရအဖွဲ့ထည်းမှာကြည့်ကြည့်လွှတ်တော် ထဲမှာကြည့်ကြည့်သဘောထားကွဲလွဲမှု အနည်းအများရှိမှာပါ ဆိုလိုတာက တကယ် ပြုပြင်ပြောင်းလဲမယ်ဆိုရင်တောင်မှ ဘယ် လောက်ဘယ်လိုအရှိန်အ၀ါနှင့် ပြောင်းလဲ မှာလဲဆိုတာတွေမှာ သဘောထားအမြင် တွေကွဲလွဲနိုင်ပါတယ်။ နောက်တစ်ခုက ဒီအဖွဲ့အစည်းတွေက အရင်ကကိစ္စတွေ တုန်းက လုံခြုံရေးရှုထောင့်တစ်ခုထဲကလွန် လွန်ကဲကဲအကဲခတ်ကြတယ်။ ဒါတွေ တော်တော်လေးအရိုးစွဲလာတော့အရပ် ဘက်လူ့အဖွဲ့အစည်းပုံစံမှာ အပြောင်းလဲ တွေဖြစ်လာတဲ့အခါသူတို့ကိုယ်၌က အတွေအကြုံမရှိကြပါဘူး။ အဲဒီအပြောင်း အလဲကို နည်းနည်းလေးစိုးရိမ်သောက ဖြစ်လာတာရှိပါတယ်။ အဲဒီတော့ကျွန်တော် တို့က ပြောင်းလဲဖို့ကိစ္စတွေမှာ သူတို့လက် ခံလာအောင်ဆောင်ရွက်သွားရမယ်လို့မြင် ပါတယ်။
မေး- တကယ်လို့ကိုကိုကြီးသာလွှတ်တော် ထဲမှာ လွှတ်တော်အမတ်အဖြစ်ရှိနေရင် ဘာကိုအရင်ပြောင်းလဲအောင်ဆောင်ရွက် မှာပါလဲ။
ဖြေ- နည်းပညာအရ ဥပဒေအချက်အရ ပြောင်းလဲရမှာ မှန်ပေမယ်လိုအခြေခံအကျ ဆုံး (မိုင်းဆက်) လူတွေရဲ့ စိတ်နေစိတ် ထားပြောင်းလဲဖို့လိုပါတယ်။ အဲဒါကလည်း ကျွန်တော်တို့က ရာစုနှစ်ဝက်လောက် အသားကျလာတဲ့ ပုံစံတွေရှိနေတာကိုး။ သဘောကတော့ပိတ်ဆို့ခံထားရတဲ့အခြေ အနေကိုး။ အဲဒီကနေ ကျွန်တော်တို့က ပွင့်လင်းတဲ့လူအဖွဲ့အစည်းကိုသွားမယ်ဆို ရင် အုပ်ချုပ်နေသူရဲစိတ်နေစိတ်ထားဝန် ထမ်းတွေရဲ့ စိတ်နေစိတ်ထားအဲဒါတွေ ပြုပြင်ပြောင်းလဲဖို့အတွက် အားကိုးရဲ့ စိတ်ထဲမှာ နိုင်ငံရေးနိုးကြားဖုိ့အသိအမြင် ပွင့်လင်းဖို့ဆော်သြပို့နိုးဆော်ဖို့တွေက တော်တော်အရေးပါပါတယ်။ လွှတ်တော် ထဲမှာ ဥပဒေရေးရာကိစ္စတွေဆွေးနွေးညှိ နှိုင်းအကောင်အထည်ဖော်ဖို့တွေလုပ်ငန်း ဆောင်တာတွေရှိပါတယ်။ တကယ်တန်း အဲဒီဥပဒေတွေဖြစ်ပေါ်လာဖို့ထက်ရှိပြီး သားဥပဒေတွေအသက်ဝင်ဖို့လုပ်ရတာ တော်တော်ခက်ခဲပါတယ်။ ဘာဖြစ်လို့ လည်းဆိုတော့ ဥပမာ လွတ်လပ်စွာဟော ပြောစည်းရုံးခွင့်စီတန်းလှည့်လည်ခွင့်ကို လွှတ်တော်က အတည်ပြုလိုက်ပြီး ဒါပေမဲ့ လက်တွေ့မှာတကယ်ဖြစ်လာဖို့အလုပ်ဖြစ် ဖို့အသက်ဝင်ဖို့လိုပါတယ်။ တခြားအလုပ် သမားအဖွဲ့အစည်းဥပဒေကို လယ်ယာ ဥပေဒတို့ ဒါတွေကိုပြောတာပါ။ ဥပဒေ ကိုအကောင်အထည်ဖော်တာထက်အသက် ၀င်အောင်လုပ်တာတော်တော်ခက်ပါတယ်။ နောက်တစ်ခုက သမ္မတကြီးဦးဆောင်တဲ့ အဆင့်ဆင့်အုပ်ချုပ်ဆောင်ရွက်တဲ့ သူတွေ ရဲ့ အမူအကျင့်တွေပြုပြင်ပြောင်းလဲကြ ဖို့ အတော်လိုပါတယ်။ ကျွန်တော်တို့နယ် ထွက်တဲ့အခါတွေရပါတယ်။ သမ္မတကြီး ဦးဆောင်တဲ့ အထက်ပိုင်းက ပြုပြင်ပြောင်း လဲဖို့ကြိုးစားအားထုတ်နေတဲ့အချိန်မှာ ဒေသခံအောက်ခြေအဖွဲ့အစည်းတွေက ပြုပြင်ပြောင်းလဲဖိုအဆင်သင့်ဖြစ်မနေ သေးပါဘူး။ ကျွန်တော်ဆိုလိုတာတည်ဆဲ ဥပဒေတွေပြင်ဆင်တာအတည်ပြုတာတွေ ထက်လူတွေရဲ့ စိတ်ထဲကအမူအကျင့်တွေ ပြောင်းလဲကြဖို့ ပိုအရေးကြီးတယ်ထင်ပါ တယ်။
မေး- ကိုကိုကြီးရဲ့ နိုင်ငံရေးရည်မှန်းချက် ဘယ်လို့ပုံစံနှင့်ဆက်လုပ်သွားဖို့ဆိုတာ တိတိကျကျသိလိုပါတယ်။
ဖြေ- ကျွန်တော်ကတော့ ၈၈ မျိုးဆက် ကျောင်းသားများအနေနှင့် တစ်လျှောက် လုံးကျွန်တော်လုပ်လာခဲ့ပြီးပြီ။ နောင်လာ မယ့်နိုင်ငံရေးပုံသဏ္ဍာန်သစ်တစ်ခုမှာ နိုင်ငံ ရေးကိုထဲထဲဝင်ဝင်ဆောင်ရွက်မယ့်ပုံသဏ္ဍန် နဲ့ ကျွန်တော်ကိုယ်တိုင်လည်းပဲကျွန်တော် နိုင်ငံရေးကိုပဲရွေးချယ်မှာပါအဲတော့နိုင်ငံ ရေးကို ဒါနိုင်ငံရေးကို ထဲထဲဝင်ဝင်လုပ်ဖို့ ဆိုတာ ပါတီနိုင်ငံရေးပုံစံရှိတယ်။ အဲဒီ တော့ ဒီနေရာမှာ ပါတီအသစ်ထောင်မှာ လား ပါတီထဲဝင်မှာလား။ ဒါတွေက ပုံသဏ္ဍာန်ကိစ္စတွေပါဆိုလိုတာကအသေး စိတ်တွေမပြောချင်သေးပေမယ့်လို့ကျွန်တော် ကရှေ့ကို နိုင်ငံရေးကိုကိုယ့်ရဲ့တကယ့်ကို ဇောက်ချလုပ်ရမယ်အလုပ်အဖြစ်ရွေးချယ် သွားမှာပါ။
မေး- အကျည်းထောင်တွေထဲမှာ အကြား ကြီးနေခဲ့ရတော့ အဲဒီအကျဉ်းချခဲ့တဲ့သူ တွေကို စိတ်မနာဘူးလား။
ဖြေ- ပြောရမယ်ဆိုရင်တော့ ဒီလူတွေ ကိုယ်၌က ကျွန်တော်တို့ နိုင်ငံရေးလှုပ်ရှား သူတွေကို တင်းတင်းကျပ်ကျပ်ကိုင်တွင် ဖို့ကြီးလေးတဲ့ ပြစ်ဒဏ်တွေပေးရမယ် စသည်ဖြင့်သူတို့ရဲ့ စိတ်နေသဘောထား ကြောင့်မဟုတ်ဘဲနှင့်အဲဒီအချိန်တာရှိနေ တဲ့ စနစ်ကြေင့်ဖြစ်ပါတယ်။ တချို့ဆိုရင် သူတို့ကိုယ်တိုင်ပြန်ပြီးတော့အကျဉ်းသား ဘ၀နှင့် ရောက်လာကြတယ်ထောင်ဝါတာ တွေနှင့် ထောက်လှမ်းရေးအဖွဲ့အစည်း တွေက သူတို့ကိုယ်တိုင်စနစ်ရဲ့သား ကောင်တွေဖြစ်နေတဲ့ အခါကြတော့ သူတို့အပေါ်မှာ လူပုဂ်္ဂိုလ်အနေနှင့် နာကြည်းဖို့အမြင်တော့ဘဲနှင့် ဆိုးဝါးတဲ့ စနစ်တစ်ခုအတွင်းပိတ်မိနေတဲ့သူတွေ အဖြစ်မြင်ပါတယ်။ သမိုင်းဆိုတာက ဒါတွေဒါတွေဖြစ်ခဲ့တယ် လူ့အဖွဲ့အစည်း ဆိုတာကဒီလိုခံစားမှုတွေ ဒီလိုဆုံးရှုံး နစ်နာမှုတွေဖြစ်ခဲ့တယ်ဆိုတဲ့ မှတ်တမ်း တွေရှိဖို့လိုပါတယ်။ သို့သော် အတိတ်က ၀န်ထုတ်ဝန်ပိုးတွေအဖြစ်မမြင်ဖို့လို့ပါတယ်။

Hot News မှ ကူးယူဖော်ပြသည်။

These icons link to social bookmarking sites where readers can share and discover new web pages.