စစ်တွေ တက္ကသိုလ်နှင့် နည်းပညာ ကောလိပ်သို့ ဒိုင်နာကားများ ပြေးဆွဲရန် ကျောင်းသားများ လိုလား ~ YaWai (ပိုင်စိုးသူ)

ပြေးဆွဲခွင့် ပိတ်ပင်ထားသော ဒိုင်နာ အမျိုးအစား ကားများကို စစ်တွေ တက္ကသိုလ်နှင့် နည်းပညာကောလိပ်သို့ ပြေးဆွဲရန် ကျောင်းသားများက လိုလားနေကြောင်း သိရသည်။

ဒိုင်နာကားများမှာ ကျောင်းသားများကို ပြွတ်သပ်ထိုး တင်နိုင်သဖြင့် ကားခကို လျော့ယူနိုင်သည်။ ယခုပုံမှာ ယခင်က စစ်တွေ တက္ကသိုလ်အကြား ပြေးဆွဲခဲ့သော ဒိုင်နာ ကားတစ်စီး ဖြစ်သည်။

" အခု မထသက ဒိုင်နာကားတွေ ပြေးဆွဲခွင့်ကို ပိတ်ပင်ထားတယ်။ အကြောင်းအရင်းကတော့ သုံးဘီးတွေဆီက မြို့ထဲနဲ့ စစ်တွေ တက္ကသိုလ် အကြား လိုင်းဝင်ကြေး တစ်စီးကို ကျပ် ၇၀၀၀၀ စီ ကောက်ခံထားတဲ့ အတွက် ဖြစ်ပါတယ်။ ဒါကြောင့် သူတို့က သုံးဘီးတွေကို ဦးစားပေးပြီး ဒိုင်နားကားတွေ ပြေးဆွဲခွင့်ကို ပိတ်ပင်ထားတာ ဖြစ်ပါတယ်" ဟု စစ်တွေ တက္ကသိုလ်မှ ကျောင်းသား တစ်ဦးက ပြောသည်။

ဒိုင်နာကားများ ပြေးဆွဲခွင့်ကို ပိတ်ပင်ထားသဖြင့် ကျောင်းသားများ အနေဖြင့် ကားခ ပိုပေးဆောင်နေရသလို သုံးဘီးစီးရသည်မှာ အန္တရာယ်များပြီး သက်တောင့်သက်သာ မရှိကြောင်း သူက ဆက်ပြောသည်။

" ဒိုင်နာကားတွေဆိုရင် လူများများ တင်နိုင်တဲ့ အတွက် စစ်တွေမြို့ထဲကနေ တက္ကသိုလ်ကျောင်းကို တစ်ကြောင်းအတွက် ၁၀၀ ကျပ်နဲ့ ပြေးဆွဲနိုင်တယ်။ သုံးဘီးကားက လူနည်းနည်းဘဲ တင်နိုင်တော့ တစ်ကြောင်းကို မြို့ထဲကနေ တက္ကသိုလ်ထိ ကျပ် ၁၅၀ ပေးနေရတယ်။ ဒါပေမယ့် မထသက သူတို့ ရပေါက် တစ်ခုတည်းကို ကြည့်ပီး သုံးဘီးတွေကိုဘဲ ခွင့်ပြုတယ်။ ဒိုင်နားကားတွေကို ပိတ်ပင်ထားတာ ဖြစ်ပါတယ်" ဟု သူက ဆက်ပြောသည်။

သုံးဘီးကားသမားများသည် စစ်တွေမြို့ထဲနှင့် တက္ကသိုလ်အကြား တစ်ကြောင်းတည်းကို ကျပ် ၁၅၀ ယူပြီး စစ်တွေမြို့ထဲနှင့် နည်းပညာ ကောလိပ်အကြား တစ်ကြောင်းကို ကျပ် ၂၀၀ ယူကြောင်း သိရသည်။

ကျောင်းသားများ အနေဖြင့် ဒိုင်နာကားများကို ခွင့်မပြုသဖြင့် သုံးဘီကားများကို အသုံးပြုနေရသဖြင့် နေ့စဉ် အသွားအပြန် ကျပ် ၁၀၀ စီပိုကုန်နေသည်ဟု သူက ပြောသည်။

၎င်းပြင် ဒိုင်နာကားများထံမှ သုံးဘီးများနည်းတူ ကျပ် ၇၀၀၀၀ လိုင်ဝင်ကြေး ယူပြီး ပြေးဆွဲခိုင်းရင် မရနိုင်ဘူးလားဟု မေးမြန်းရာသူက ယခုလို ပြောသည်။

" ဒိုင်နားကားတွေ ၀င်လာရင် သုံးဘီးက လိုင်းဝင်တော့မှာ မဟုတ်ဘူး။ ဒါဆိုရင် မထသက ပိုက်ဆံ မရတော့ဘူး။ စစ်တွေ တက္ကသိုလ်ကို ပြေးဆွဲနေတဲ့ သုံးဘီး အစီးက ၁၅၀ ခန့်ရှိတော့ သူတို့က သုံးဘီးက ပိုက်ဆံ ပိုရနေတော့ ဒိုင်နာ အမျိုးအစားကားတွေကို ခွင့်မပြုတာ ဖြစ်ပါတယ်။ ဒါကြောင့် ကျောင်းသားတွေဘက်က နစ်နာနေကြရတာ ဖြစ်ပါတယ်" ဟု သူက ဆိုသည်။

မထသမှ သုံးဘီးများ ပိုမို လိုင်းဝင်ရန် အတွက် ရည်ရွယ်ပြီး စစ်တွေ တက္ကသိုလ်သို့ ပြေးဆွဲသော သုံးဘီးကားများအား တစ်နေ့ ဓါတ်ဆီ (၅) ဂါလံ ထုတ်ပေးထားပြီး တစ်ဂါလံကို ၃၈၅၀ ကျပ်ဖြင့် ရောင်းချပေးထားကြောင်း သိရသည်။

ယခုကဲ့သို့ အုပ်ချုပ်သူများမှ ကျောင်းသားများဘက်မှ နစ်နာချက်များကို မကြည့်ဘဲ သူတို့ အကျိုး ရရှိရေး တစ်ခုတည်းကို ကြည့်ပြီး ဆောင်ရွက်နေသဖြင့် ကျောင်းကားခကြောင့် အခက်အခဲ ဖြစ်နေကြရသော ကျောင်းသားများမှာ ကျောင်းကားခ လျော့ချရေးအတွက် အမြဲတန်းတန်းလို ဆန္ဒပြတောင်းဆိုနေကြရခြင်း ဖြစ်သည်ဟု အဆိုပါ ကျောင်းသားက ပြောသည်။

http://www.narinjara.com မှ ကူးထားခြင်းဖြစ်ပါသည်။

These icons link to social bookmarking sites where readers can share and discover new web pages.