ရေတွင်းသန့်ရှင်းရေးလုပ်စဉ် အောက်ဆီဂျင်ပြတ်၍ ရဟန်းတစ်ပါးပျံလွန်ပြီး လူတစ်ဦးကွယ်လွန် ~ YaWai (ပိုင်စိုးသူ)

စစ်ကိုင်းတိုင်းဒေသကြီး ကသာမြို့နယ်၊ ပေါမမြိုင်ကျေးရွာ ဘုန်းတော်ကြီးကျောင်းဝင်းအတွင်းရှိ ၂၇ ပေနက်သော ရေတွင်းအား ဆယ်ယူသန့်ရှင်းကြရာမှ အောက်
ဆီဂျင်ပြတ်လပ်၍ ဦးပဉ္ဇင်းတစ်ပါး ပျံလွန်တော်မူပြီး လူတစ်ဦးကွယ်လွန်သွားခဲ့ကြောင်း သတင်းရရှိသည်။

ဖြစ်စဉ်မှာ နွေရာသီကာလရောက်ပြီဖြစ်၍ ဧပြီလ ၁ရက် တွင် ရေတွင်းအတွင်း၌ ရေနည်းလာပြီဖြစ်သောကြောင့် အမှိုက်များ ဆယ်ယူသန့်ရှင်းခြင်း၊ ရေထွက်ပေါက် များအား ကောင်းမွန်လာစေရန်အတွက် ကုသိုလ်ဖြစ်ကူညီပေးကြသူ ကိုအောင်လွင်နှင့် ဦးပဉ္ဇင်း ဦးစန္ဒောတို့နှစ်ဦးရေတွင်းထဲ အောက်ဆီဂျင်ပြတ်လပ်မှုနှင့်ကြုံတွေ့ ခဲ့သည်။

ဖြစ်စဉ်မှာ ဧပြီလ ၁ ရက် မွန်းလွဲ ၂ နာရီ မိနစ် ၃၀ အချိန်တွင် ကသာမြို့နယ်၊ ပေါမမြိုင် ကျေးရွာဘုန်းတော်ကြီးကျောင်း အနောက်ဘက် ၂၇ ပေအနက်ရှိသော ရေတွင်းအား ပြန်လည်တူးဖော်ဆယ်ယူသန့်ရှင်းကြရာ ဟွန်ဒါလက်ဆွဲရေစုပ်စက်ငယ်အား ရေတွင်းထဲသို့ ထည့်သွင်းပြီး ရေကို စုပ်ထုတ်ခဲ့ကြသည်ဟုဆိုသည်။
ရေခန်းချိန်တွင် ပေါမမြိုင် ကျေးရွာတွင်နေထိုင်သူ ကိုအောင်လွင်က တွင်းထဲဆင်း၍ အောက်ခြေကိုသန့်ရှင်းခြင်း၊ အမှိုက်များဆယ်ယူခြင်းတို့ကို လုပ်ဆောင်ပေးစဉ် ၁၀ မိနစ်အကြာ ရေတွင်းအောက်ခြေ၌ မှောက်ခုံလဲကျသွားခဲ့သည်။ ၎င်းအားကူညီကယ်ဆယ်ရန် ထိုကျောင်းမှ ဦးပဉ္ဇင်း ဦးစန္ဒောက ရေတွင်းထဲသို့ ဆင်းသက်ပြီး သတိလစ်လဲကျသွားသူ ကိုအောင်လွင်ကို ရေတွင်းပေါ်သို့ ရောက်ရှိသွားစေရန် ကယ်ဆယ်နေချိန်အတွင်း ဦးပဉ္ဇင်း ဦးစန္ဒောပါ ရေတွင်း နံရံကို မှီပြီးလဲကျသွားခဲ့သည်။

ကိုအောင်လွင်နှင့် ဦးပဉ္ဇင်း ဦးစန္ဒောတို့အား ကူညီကယ်ဆယ် ရန်အတွက် ဦးတင်ထွန်းမင်း၊ ကိုဝင်းမင်း၊ ကိုထွန်းမြင့်၊ ကိုဖိုးသေးတို့က ကြိုးပမ်းခဲ့ကြသည်။ ကနဦး အောက်ဆီဂျင်ပြတ်လပ်မှုကြောင့် သတိလစ်လဲကျခဲ့သူများဖြစ်ကြသော ကိုအောင်လွင်နှင့် ဦးပဉ္ဇင်း ဦးစန္ဒောတို့အား ကသာခရိုင် ဆေးရုံကြီးသို့ ပို့ဆောင်ခဲ့ကြရာ ဆေးရုံကြီးရောက်ချိန်တွင် အသက်မရှိတော့ဟု ဆိုသည်။ ထိုဖြစ်ရပ်ကို သုံးသပ်ပြောဆိုကြရာ ရေတွင်းအတွင်း အင်ဂျင်ကိုထည့်သွင်း၍ မောင်းနှင် ရေစုပ်ထုတ်သော ကြောင့် မီးခိုးငွေ့များ ရှူရှိုက်မိကာ ဤကဲ့သို့ဖြစ်ရသည်ဟု ဒေသခံများက ပြောဆိုကြသည်။

ယင်းဖြစ်စဉ်နှင့် ပတ်သက်၍ ကသာရဲတပ်ဖွဲ့စခန်းမှူး ရဲအုပ်စောစိုးမိုးက (ပ)၄/၂၀၁၂ သေမှုသေခင်းဖြစ်စဉ်အရ စုံစမ်းစစ်ဆေးဆောင်ရွက်လျက်ရှိကြောင်းသတင်းရရှိသည်။

7days news jounal မှ ကူးယူသည်။

These icons link to social bookmarking sites where readers can share and discover new web pages.