မီးလောင်မှုငြှိမ်းသတ်ရန် မောင်းနှင်လာသည့် မီးသတ်ယာဉ်တိုက်မှုကြောင့် တစ်ဦးဆုံး ၂ ဦးဆေးရုံရောက် ~ YaWai (ပိုင်စိုးသူ)

ပဲခူးတိုင်းဒေသကြီး၊ ပြည်မြို့တွင် မီးလောင်မှုကို ငြှိမ်းသတ်ရန် သွားရောက်သည့် မီးသတ်ယာဉ်နှင့် ရေပက်ခံထွက်ဆိုင်ကယ်တစ်စီးတိုက်

မိ၍ သင်္ကြန်အတက်နေ့က ကလေးငယ်တစ်ဦးသေဆုံးခဲ့ကြောင်းမြန်မာနိုင်ငံမီးသတ်တပ်ဖွဲ့ ဌာနချုပ်မှ သတင်းရရှိသည်။

ယင်းနေ့ညနေ ၄ နာရီ ၁၅ မိနစ်ခန့်တွင် ပြည်မြို့ရွာဘဲနယ် မြေ၊ အောင်သုခရပ်ကွက်ရှိ ကြက်ခြံတွင် မီးလောင်မှုဖြစ်ပွားခဲ့ခြင်းဖြစ်သည်။
အဆိုပါမီးလောင်မှုကို စုစုပေါင်းမီးသတ်ယာဉ် ၆ စီးဖြင့် မီးငြှိမ်းသတ်ရန်သွားရောက်ခဲ့ပြီး ခေတ္တရာမြို့သစ်အရန်မီးသတ်တပ်ဖွဲ့မှ မီးသတ်ယာဉ်သည် ရေကစားမဏ္ဍပ်ရှေ့မှ ဖြတ်ဝင်လာသော ဆိုင်ကယ်ကို တိုက်မိခဲ့ခြင်းဖြစ်သည်ဟု သိရသည်။

ယာဉ်တိုက်မိမှုကြောင့်ဆိုင်ကယ်မောင်းသူ ဦးဇင်မင်းအသက် ၃၂ နှစ်နှင့် အသက် ၃၅ နှစ်ရှိ ဒေါ်လှလှဌေးတို့မှာ ဒဏ်ရာရရှိခဲ့ ပြီးပြည်သူ့ဆေးရုံတွင်အတွင်းလူနာ အဖြစ်ကုသခံနေရသည်။ ဆိုင်ကယ်နောက်တွင်ပါလာသည့် သမီးဖြစ်သူ အသက် ၇ နှစ်ရှိ မအေးဇာဇာထွန်းမှာ သေဆုံးသွားခဲ့ကြောင်းသိရသည်။
အဆိုပါမီးလောင်မှုနှင့်ယာဉ်တိုက်မှုတို့ကို ပြည်မြို့အမှတ် (၂) ရဲစခန်းမှ (ပ)၁၅၀/၂၀၁၂ ဖြင့် ဆက်လက်ဆောင်ရွက်နေကြောင်း မီးသတ်တပ်ဖွဲ့ဌာနချုပ်မှ သိရသည်။
7Day News Journal မှ ကူးယူသည်။

These icons link to social bookmarking sites where readers can share and discover new web pages.