201
(၄) ကြိမ်မြောက် အာဆီယံ-အမေရိကန် အစည်းအဝေးတွင် ပါဝင်ဆွေးနွေးခဲ့သော ခေါင်းဆောင်များ (ဓာတ်ပုံ-နေထွန်းနိုင်)

မြန်မာနှင့် အမေရိကန် အကြား ဆက်ဆံရေး လေးနက်မှု ဆက်လက် ဖြစ်ပေါ်စေရန် အာဆီယံ ခေါင်းဆောင်များက မျှော်လင့်ကြောင်း နိုဝင်ဘာလ ၁၉ ရက်နေ့ ညပိုင်းက မ္ဘောဒီးယားနိုင်ငံ၊ ဖနွမ်းပင်ရှိ Peace Palace အဆောက်အုံတွင် ပြုလုပ်ခဲ့သော (၄) ကြိမ်မြောက် အာဆီယံ-အမေရိကန် အစည်းအဝေးအပြီး ထုတ်ပြန်ခဲ့သော ပူးတွဲကြေညာချက်တွင် ဖော်ပြခဲ့ပါသည်။

အဆိုပါ အစည်းအဝေးတွင် အမေရိကန်နိုင်ငံ အနေဖြင့် မြန်မာနိုင်ငံ၏ အပြုသဘော ဆောင်သော ခြေလှမ်းများနှင့် ထိုခြေလှမ်းများကြောင့် အမျိုးသား ပြန်လည် ရင်ကြားစေ့ရေးနှင့် နိုင်ငံရေး၊ စီးပွားရေး ပွင့်လင်းမှုများ မြင်လာရသည်ကို ကြိုဆိုကြောင်း၊ အာဆီယံ ခေါင်းဆောင်များ အနေဖြင့်လည်း မြန်မာနှင့် အမေရိကန် အကြား ဆက်ဆံရေး လေးနက်မှု ဆက်လက်ဖြစ်ပေါ်စေရန် မျှော်လင့်ကြောင်း၊ ထို့အပြင် မြန်မာနိုင်ငံအနေဖြင့် ၂၀၁၂ခုနှစ် ဇူလိုင် လအတွင်းမှ စတင်ဆောင်ရွက်နေသော အမေရိကန်နှင့် အာဆီယံ အကြား ညှိနှိုင်းဆောင်ရွက် ဆွေးနွေးမှု တာဝန်ကို ၂၀၁၅ ခုနှစ် ဇူလိုင်လအထိ အခွင့်အလမ်း ရရှိခဲ့ကြောင်း အစရှိသည်တို့ကို အာဆီယံ-အမေရိကန် အစည်းအဝေး၌ ပြောဆိုခဲ့သည်ဟု သိရသည်။

အမေရိကန် နိုင်ငံသည် မဲခေါင်ဒေသ အောက်ပိုင်းနိုင်ငံများ ဖွံဖြိုးတိုးတက်ရေး ပူးပေါင်း ဆောင်ရွက်မှု အစီအစဉ် Lower Mekong Initiative (LMI) ၌  မြန်မာနိုင်ငံ ပါဝင်လာခဲ့ခြင်းကို ကြိုဆိုကြောင်း အဆိုပါ အစည်းအဝေးတွင် ထုတ်ဖော်ပြောကြားခဲ့သည်။ မြန်မာနိုင်ငံသည် ၂၀၁၂ ခုနှစ် ဇူလိုင်လအတွင်းက ဖနွမ်းပင်၌ ပြုလုပ်ခဲ့သော (၅) ကြိမ်မြောက် မဲခေါင်ဒေသ ၀န်ကြီးများ အစည်းအဝေးတွင် ပါဝင်ခဲ့ပြီးနောက်   မဲခေါင်ဒေသ အောက်ပိုင်းနိုင်ငံများ ဖွံဖြိုးတိုးတက်ရေး ပူးပေါင်း ဆောင်ရွက်မှု အစီအစဉ်တွင် ခြောက်နိုင်ငံမြောက် အဖြစ် ပါဝင်လာခဲ့ခြင်း ဖြစ်သည်။

နိုဝင်ဘာလ ၁၉ ရက်နေ့က ပြုလုပ်ခဲ့သော  (၄) ကြိမ်မြောက် အာဆီယံ-အမေရိကန် အစည်း အဝေးတွင် မဲခေါင်ဒေသ အောက်ပိုင်းနိုင်ငံများ ဖွံဖြိုးတိုးတက်ရေး ပူးပေါင်း ဆောင်ရွက်မှု အစီအစဉ် ဖြစ်သည့် Lower Mekong Initiative (LMI) ကို  အမေရိကန်နိုင်ငံမှ တိုးမြှင့် လုပ်ဆောင်သွားမည်ဟု အစည်းအဝေးတွင် ပြောကြားခဲ့ပါသည်။ ထိုအစီအစဉ်အရ စွမ်းအင်လုံခြုံရေး၊ ကျန်းမာရေး၊ လယ်ယာစိုက်ပျိုးရေးနှင့် စာနပ်ရိက္ခာ ဖူလုံရေး၊ ပညာရေး၊ ဆက်သွယ်ရေး၊ ပတ်ဝန်းကျင် ထိန်းသိမ်းရေးနှင့် ရေပေးဝေရေး လုပ်ငန်းများကို လုပ်ဆောင်မည် ဖြစ်ပါသည်။

အမေရိကန် နိုင်ငံသည် အာရှ-ပစိဖိတ်ဒေသ အတွက် နည်းဗျူဟာ ပြောင်းလဲခြင်း အစီအစဉ်အရ ပြီးခဲ့သည့် သုံးနှစ်တာ ကာလအတွင်း မဲခေါင်ဒေသ အောက်ပိုင်း နိုင်ငံများအတွက် အမေရိကန် ဒေါ်လာ သန်း ၅၀ ထောက်ပံ့ခဲ့သည့် အပြင် မဲခေါင်မြစ်ကော်မရှင် (MRC) ၏ လေ့လာခြင်းအတွက် အမေရိကန်ဒေါ်လာ တစ်သန်း ထောက်ပံ့ခဲ့ကြောင်း သိရသည်။


Copy From Eleven Media Group Web Page
These icons link to social bookmarking sites where readers can share and discover new web pages.
  • Digg
  • Sphinn
  • del.icio.us
  • Facebook
  • Mixx
  • Google
  • Furl
  • Reddit
  • Spurl
  • StumbleUpon
  • Technorati

Leave a comment

Join Free