သံဃာတော်များ၏ သြ၀ါဒခံယူပွဲကျင်းပကာ လက်ပံတောင်းတောင်အရေး နှိမ်နင်းခဲ့မှုနှင့်ပတ်သက်၍ စစ်ကိုင်းတိုင်းဒေသကြီး ရဲမှူးက တောင်းပန်ကြောင်း လျှောက်ထား
စစ်တိုင်းတိုင်းဒေသကြီး ရဲမှူးကြီး ဦးစန်းယုက တောင်းပန်ကြောင်း လျှောက်ထားနေစဉ်
လက်ပံတောင်းတောင်အရေးနှင့် ပတ်သက်၍ သံဃာတော်များ သြ၀ါဒခံယူပွဲကို ဒီဇင်ဘာလ ၁ ရက်နေ့ မွန်းလွဲ ၂း၃၀ နာရီတွင် စစ်ကိုင်းတိုင်းဒေသကြီး မုံရွာမြို့နယ်ရှိ ရွှေစည်းခုံ ဘုရားဝင်းအတွင်းရှိ တင်ဝင်းထွန်း ဓမ္မဗိမာန်တွင် ပြုလုပ်ခဲ့သည်။ အဆိုပါ အခမ်းအနားသို့ မုံရွာမြို့ပေါ်ရှိ သြ၀ါဒါစရိယ ဆရာတော်ကြီးများ အပါအဝင် သံဃာတော်ကိုးပါး တက်ရောက်ခဲ့ပြီး စစ်ကိုင်းတိုင်းဒေသကြီး ရဲမှူးကြီးဦးစန်းယုနှင့် ရဲတပ်ဖွဲ့အင်အား ၁၂၀ ကျော် တက်ရောက်ခဲ့ကြောင်း သိရှိရသည်။
စစ်ကိုင်းတိုင်းဒေသကြီး ရဲမှူးကြီး ဦးစန်းယုက လက်ပံတောင်းတောင် ကြေးနီစီမံကိန်းနဲ့ ပတ်သက်ပြီး ပေါ်ပေါက်လာခဲ့သော သပိတ်စခန်းများကို ဥပဒေနှင့်အညီ ဆောင်ရွက်ခဲ့ရာတွင် ဆရာတော်သံဃာတော်များနှင့် တပည့်ရဟန်းသံဃာတော်များအား မတော်တဆ ထိခိုက်ဒဏ်ရာရရှိခဲ့ရသည့်အပေါ် ရှိခိုးတောင်းပန် လျှောက်ထားအပ်ပါသည်ဟု အစချီ လျှောက်ထားခဲ့သည်။
သြ၀ါဒခံယူပွဲသို့ တက်ရောက်ခဲ့သည့် ရဲတပ်ဖွဲ့ဝင်များ
၂၀၁၂ ခုနှစ် နိုဝင်ဘာလ ၁၈ ရက်နေ့တွင် စတင်ခဲ့သော သပိတ်စခန်းများကြောင့် နိုင်ငံတော်စီမံကိန်းကို ဥပဒေနှင့်အညီ ဆောင်ရွက်နေသည့် နှစ်နိုင်ငံ ပူးပေါင်းဆောင်ရွက်သော တရားဝင်စီးပွားရေးလုပ်ငန်းများ ရပ်စဲခဲ့၍ နိုင်ငံတော်အတွက်၊ ပြည်သူအတွက် ဆုံးရှုံးမှုများ ဖြစ်ပေါ်ခဲ့ရပါကြောင်း၊ မကြာမီက လက်ပံတောင်းတောင်ကိစ္စနှင့် ပတ်သက်၍ လွှတ်တော်က စုံစမ်းစစ်ဆေးရေး ကော်မရှင်တစ်ရပ် ဖွဲ့စည်းဆောင်ရွက်ရန်လည်း အတည်ပြုခဲ့ပြီး ဖြစ်ပါတယ်။ အလားတူ ပြည်ထောင်စုဝန်ကြီး ဦးအောင်မင်းကိုယ်တိုင် သပိတ်စခန်းများသို့ သွားရောက်၍ ဆန္ဒဖော်ထုတ်နေသူများကို တွေ့ဆုံပြီး ဆွေးနွေးခဲ့ပါတယ်။ ဒီလို လူ့အခွင့်အရေးနှင့်ဆိုင်သော ကိစ္စများတွင် ဒေသဆိုင်ရာ အုပ်ချုပ်ရေးအဖွဲ့ကလည်း ဥပဒေနှင့်အညီ နိုင်ငံတော်၏ စီးပွားရေးလုံခြုံရေးဆိုင်ရာ အမိန့်ပြဋ္ဌာန်းချက်များကို တရားဥပဒေနှင့်အညီ ထုတ်ပြန်ထားပြီးလည်း ဖြစ်ပါတယ်ဘုရား၊ သို့ရာတွင် ဆန္ဒပြသူများက ဒေသဆိုင်ရာ အုပ်ချုပ်ရေးအဖွဲ့မှ ဥပဒေတားမြစ်ချက်များကို ဖောက်ဖျက်၍ ကျူးလွန်ခဲ့ကြပါကြောင်း ရဲမှူးကြီးစန်းယုက လျှောက်ထားခဲ့သည်။
ကိုယ့်တိုက်က သံဃာတော်တွေမှာ သာမညကုရတဲ့ သံဃာတွေရော၊ ဆေးရုံတက်ကုသနေရတဲ့ သံဃာတွေရော၊ ထွက်ပြေးနေရတဲ့ သံဃာတွေရော ရှိနေတယ်။ ဒီပွဲကို ဆရာတော်ကြွမယ်ဆိုရင် ကျောင်းမှာရှိတဲ့ သံဃာတော်တွေနဲ့ သဘောထားကွဲလွဲကုန်မယ်။ သူတို့ပင့်ဖိတ်တဲ့ ဆွမ်းတောင်လက်မခံတဲ့ သံဃာတော်တွေအနေနဲ့ ဘယ်လိုမြင်ကြမလဲ။ ကန်တော့ရုံ၊ တောင်းပန်ရုံ၊ သြ၀ါဒခံယူရုံနဲ့ မပြီးသေးဘူးဆိုတာ . . . |
“တပည့်တော်တို့ရဲ့ ဥပဒေနှင့်အညီ ဖယ်ရှားရှင်းလင်းရာ၌ ပထမပိုင်းတွင် လျှောက်ထားခဲ့သည့်အတိုင်း သံဃာတော်များ ပါဝင်နေမှုကြောင့် ခက်ခဲကျပ်တည်းမှုများစွာ ကြုံတွေ့ခဲ့ရပါသည်ဘုရား။ သံဃာထုကို အကာအကွယ်ယူထားသည့် လူပုဂ္ဂိုလ်များသည် ဦးစွာရှောင်တိမ်းသွားကြ၍ တပည့်တော်တို့ အသုံးပြုခဲ့သော မျက်ရည်ယိုဗုံးတို့သည် မထင်မှတ်ဘဲ သံဃာတော်များကိုသာ ထိခိုက်ခဲ့ရသည့် အခြေအနေ ဖြစ်သွားသည့်အတွက် စိတ်မချမ်းမြေ့ ဖြစ်ရပါသည်ဘုရား၊ သို့ပါ၍ ဤအရေးကိစ္စကို တာဝန်ယူ၍ ဆောင်ရွက်ရခြင်းဖြစ်ပါသည် ဘုရား။ ထို့ကြောင့် ရှင်းလင်းခဲ့သည့် ဖြစ်စဉ်တွင် တပည့်တော်တို့သည် ဆရာတော်သံဃာတော်များနှင့် ရဟန်းသံဃာတော်များကို ထိခိုက်နစ်နာစေရန် ရည်ရွယ်ခြင်းမဟုတ်ပါဘူး ဘုရား။ ဆရာတော်ကြီးများကိုယ်တိုင် သာသနာတော်နှင့်မအပ်စပ်သည့် လုပ်ငန်းများတွင် ပါဝင်ခြင်းမပြုရန် အကြိမ်ကြိမ် သြ၀ါဒပေး ဆုံးမခဲ့ကြသည်ကို သိရှိခဲ့ရပါသည်။ သာသနာတော်ကို စောင့်ရှောက်နေကြသော သံဃာတော်များ ဖြစ်သည့်အတွက် မထင်မှတ်ဘဲ ထိခိုက်နစ်နာခဲ့ရသည်ကို လွန်စွာ စိတ်နှလုံးမသာမယာ ဖြစ်ခဲ့ရပါသည်ဘုရား ...။ တပည့်တော်တို့ကိုယ်တိုင် ဗုဒ္ဓဘာသာဝင်များဖြစ်ကြပြီး ဆရာတော်သံဃာတော်ကြီးများ အမှူးပြုသော ဘာသာ၊ သာသနာနှင့် ရဟန်းသံဃာတော်များကို မှဲ့တစ်ပေါက်မှပင် မစွန်းထင်းစေချင်သော ဆန္ဒကိုယ်စီ ရှိကြပါသည်ဘုရား။ တပည့်တော်တို့ တာဝန်ရှိမှုကို မေတ္တာတရားရှေ့ထား၍ ခွင့်လွှတ်ပေးကြပါရန် ရိုသေလေးမြတ်စွာဖြင့် ရှိခိုးတောင်းပန် လျှောက်ထား၍ နိဂုံးချုပ်ပါသည် အရှင်သူမြတ်တို့ဘုရား” ဟု စစ်ကိုင်းတိုင်းဒေသကြီး ရဲမှူးကြီးဦးစန်းယုက သြ၀ါဒခံယူပွဲသို့ ကြွရောက်လာသော သံဃာတော်များကို လျှောက်ထားခဲ့သည်။
သံဃာတော်များ၏ သြ၀ါဒခံယူပွဲသို့ တက်ရောက်ခဲ့ခြင်းမရှိသော မဟာဇောတိကာရာမ ပဓာနာယကဆရာတော်က” မတက်ရောက်ရခြင်းရဲ့ အကြောင်းအရင်းက ကိုယ့်တိုက်က သံဃာတော်တွေမှာ သာမညကုရတဲ့ သံဃာတွေရော၊ ဆေးရုံတက်ကုသနေရတဲ့ သံဃာတွေရော၊ ထွက်ပြေးနေရတဲ့ သံဃာတွေရော ရှိနေတယ်။ ဒီပွဲကို ဆရာတော် ကြွမယ်ဆိုရင် ကျောင်းမှာရှိတဲ့ သံဃာတော်တွေနဲ့ သဘောထားကွဲလွဲကုန်မယ်။ သူတို့ပင့်ဖိတ်တဲ့ ဆွမ်းတောင်လက်မခံတဲ့ သံဃာတော်တွေအနေနဲ့ ဘယ်လိုမြင်ကြမလဲ။ ကန်တော့ရုံ၊ တောင်းပန်ရုံ၊ သြဝါဒခံယူရုံနဲ့ မပြီးသေးဘူးဆိုတာ နားလည်သင့်တယ်” ဟု မိန့်ကြားခဲ့သည်။
သပိတ်စခန်းများကို နှိမ်နင်းရာတွင် ထိခိုက်ဒဏ်ရာအများဆုံးရှိခဲ့သည့် မဟာဇောတိကာရာမ ကျောင်းတိုက်တွင် နှစ်စဉ်ပြုလုပ်လေ့ရှိသော စာအောင်သံဃာတော်များ လက်မှတ်ဆက်ကပ်လှူဒါန်းပွဲနှင့် နံနက်ပိုင်းဆွမ်းလောင်းပွဲကို နိုဝင်ဘာလ ၃၀ ရက်နေ့က စစ်ကိုင်းတိုင်းဒေသကြီး ၀န်ကြီးချုပ်နှင့် အစိုးရအဖွဲ့က လောင်းလှူဒါန်းမည့် ဆွမ်းလောင်းပွဲအစီအစဉ် ပျက်ခဲ့ကြောင်း သိရသည်။
မုံရွာပြည်သူ့ဆေးရုံတွင် ဆေးကုသမှုခံယူနေသော သံဃာတော်များအနက်မှ သံဃာ ၁၉ ပါးနှင့် လူပုဂ္ဂိုလ် နှစ်ဦးတို့အား မန္တလေးပြည်သူ့ဆေးရုံသို့ လွှဲပြောင်းကုသမှုခံယူမည်ဖြစ်ကြောင်း သိရပြီး မုံရွာဆေးရုံတွင် သံဃာ ၁၆ ပါး ဆက်လက်ကုသမှုခံယူမည်ဖြစ်ကြောင်း သိရသည်။
Copy From Eleven Media Group Web Page
Leave a comment