မြန်မာလုပ်သား ပျောက်ဆုံးနေမှု စင်္ကာပူ ဆိပ်ကမ်းအာဏာပိုင်များ အပူတပြင်း ရှာဖွေနေ ~ YaWai (ပိုင်စိုးသူ)

စင်ကာပူနိုင်ငံရှိ Everlast Marine Services တွင် အလုပ် လုပ်ကိုင်နေသော မြန်မာနိုင်ငံသား တစ်ဦး ယမာန်နေ့ နံနက် (၈း ၃၀) ခန့်တွင် လုပ်ငန်းခွင် လှေပေါ်မှ ပြုတ်ကျ၍ ပျောက်ဆုံးလျက် ရှိနေသဖြင့် စကာင်္ပူ ဆိပ်ကမ်း အာဏာပိုင်များမှ အပူတပြင်း လိုက်လံ ရှာဖွေလျက် ရှိကြောင်း သိရှိရပါသည်။
လှေပေါ်မှ ပြုတ်ကျသွားသည့် မြန်မာနိုင်ငံသားမှာ သိရှိချက်များအရ လှေပေါ်တွင် သန့်ရှင်းရေးလုပ်သည့် အလုပ်သမားဖြစ်ကာ အသက် (၃၂) ခန့်ရှိသည်ဟု သတင်းများ၌ ဖော်ပြပါရှိပါသည်။ Everlast Marine Service တွင် လုပ်သက် လေးနှစ်ခန့် လုပ်ကိုင်ပြီး ဖြစ်ကြောင်း ကုမ္ပဏီမှ ထုတ်ဖော် ပြောကြားပါသည်။

Everlast Marine Services ပိုင် သင်္ဘော တစ်စီးအား တွေ့ရစဉ် (ဓါတ်ပုံ - အင်တာနက်)

ဆိပ်ကမ်း အာဏာပိုင်များ၏ ပြောကြားချက် များအရ ယမာန်နေ့နံနက် (၈း ၃၀) ခန့်တွင် ပျောက်ဆုံးကြောင်း သတင်း ပေးပို့မှု ရောက်ရှိလာပြီးနောက် မိမိတို့မှလည်း ကယ်ဆယ်ရေး အစီအစဉ်များကို အလျင်အမြန် လုပ်ဆောင်ခဲ့ခြင်းဖြစ်သည်။ ဆိပ်ကမ်း အာဏာပိုင်များမှ ဆိပ်ကမ်း ရဲကင်းလှည့် ရေယာဉ်များနှင့် ရေငုပ်သမားများ အပါအဝင် ရှာဖွေ ကယ်ဆယ်ရေး လုပ်ငန်းကို လုပ်ဆောင်ခဲ့ကြသည်။
အလားတူ ကမ်းနီးကမ်းဝေး လှေများသို့ ရေဒီယိုများမှတဆင့် အသိပေး ကြေငြာထားပြီး သဲလွန်စများ တွေ့ရှိပါက ဆိပ်ကမ်း အာဏာပိုင်များသို့ အကြောင်းကြားရန်လည်း ထုတ်ပြန်ထား သော်လည်း အလောင်းကို ယခု အချိန်ထိ မတွေ့ရှိရသေးကြောင်း သိရှိရပါသည်။ ထိုအမှုကို ဆိပ်ကမ်း အာဏာပိုင်များမှ စုံစမ်းရှာဖွေမှုများ ဆက်လက် ပြုလုပ်နေဆဲ ဖြစ်သည်။

ရွှေဟင်္သာသတင်းဋ္ဌာနမှ ဖြစ်သည်။

These icons link to social bookmarking sites where readers can share and discover new web pages.