နိုင်ငံခြားငွေအတုအစစ် စစ်ဆေးသည့် ငွေရေတွက်စက်များ ပြည်တွင်းဈေးကွက်သို့ ၀င်ရောက်လာ ~ YaWai (ပိုင်စိုးသူ)

ဘဏ်လုပ်ငန်း သုံးစက်ပစ္စည်းများဖြစ်သော အမေရိကန်ဒေါ်လာ၊ ယူရိုငွေကြေးနှင့် အခြား နိုင်ငံခြားငွေကြေးများအား အတုအစစ်နှင့်နံပါတ် ကိုပါ တစ်ပြိုင်တည်း မှတ်သားပေးသည့် Counterfeiting Machine များ ပြည်တွင်းရှိ နိုင်ငံခြားဘဏ်လုပ်ငန်း (AD)လုပ်ခွင့်ရသော ဘဏ်များသို့ target ထား၍ ၀င်ရောက်လာကြောင်း သတင်းရရှိသည်။
ပြည်တွင်းဈေးကွက်သို့ ရောက်ရှိလာသည့် စက်ပစ္စည်းများတွင် ငွေထုပ်ပိုးစက်၊ နိုင်ငံခြားငွေအတု အစစ်ခွဲစက်၊ ငွေရေတွက်စက်၊ နိုင်ငံခြားငွေဖတ်စက်နှင့် ကုမ္ပဏီနှင့်စီးပွားရေး လုပ်ငန်းများတွင် အသုံးပြုသော ဘားကုတ်စနစ်သုံး slide card များနှင့် ၎င်းနှင့်ဆက်စပ်သော စက်ပစ္စည်းများ ၀င်ရောက်လာကြောင်း သိရသည်။
“ပြည်တွင်းက ဘဏ်တွေမှာတော့ လောလောဆယ် အခြားငွေ ရေတွက်စက်တွေကိုပဲ အသုံးများနေ သေးတယ်။ AD လိုင်စင်ရဘဏ်နဲ့ money changer တွေမှာတော့ ဒေါ်လာအတုအစစ်နဲ့ ငွေရေတွက်စက် တွေ သုံးနေပြီ။ Counting Machine မှာတော့ ဟောင်ကောင်က brand ကို သုံးတာနည်းသေးတယ်”ဟု ဟောင်ကောင်နိုင်ငံမှ ဘဏ်လုပ်ငန်းသုံး စက်ပစ္စည်းများ မိတ်ဆက်ပွဲ တက်ရောက်လာသည့် ဘဏ်လုပ်ငန်း လုပ်ကိုင်သူတစ်ဦးက ပြောကြားခဲ့သည်။
“လက်ရှိ ရောင်းချပေးနေတဲ့ဈေး က သင့်တော်တဲ့ဈေးပါပဲ။ အထူးသဖြင့် ဒေါ်လာရေတွက်စက်က printer လို သဘောမျိုးနဲ့ တွဲထားပြီးတော့ ငွေစက္ကူထည့်လိုက်တာနဲ့ တစ်ရွက်ခြင်း နံပါတ်အလိုက် မှတ်ပေးတယ်။ နောက်ဆုံးမှာ စုစုပေါင်းမှာပမာဏ ပေါင်းပေးတယ်။ အတုအစစ်လည်းခွဲ ပေးတယ်။ ဒီနေ့တစ်ရက်ပဲ သူတို့က discount နဲ့ ရောင်းချပေးတဲ့ သဘောပါ။ ဘဏ်တွေအတွက်တော့ တော်တော်လေး အသုံးဝင်ပါတယ်”ဟု ရိုးမဘဏ်မှ တာဝန်ရှိသူတစ်ဦးက ပြောပြခဲ့သည်။ အဆိုပါ ဟောင်ကောင် အခြေစိုက် KTP Group နှင့် မြန်မာ နိုင်ငံ မှ Colourful Treasure ကုမ္ပဏီတို့ ချိတ်ဆက်လုပ်ဆောင်ခြင်းဖြစ်ပြီး ဘဏ်လုပ်ငန်းဆိုင်ရာ စက်ပစ္စည်းများအတွက် အာမခံအား နှစ်နှစ်ပေး ထားကြောင်း သိရှိရသည်။

Eleven Media မှ ဖြစ်သည်။

These icons link to social bookmarking sites where readers can share and discover new web pages.