စည်းခြားလို့မရတဲ့ သံယောဇဉ် ~ YaWai (ပိုင်စိုးသူ)

လူထုခေါင်းဆောင် ဒေါ်အောင်ဆန်းစုကြည် ရဲ့ နယ်လှည့်စည်းရုံးရေးခရီးစဉ်တွေမှာ တပ်မိသားစုတွေအတွက် ရည်ညွှန်း ပြောဆိုချက်လေးတွေကြားရတော့ များစွာဝမ်းသာကျေနပ်မိပါတယ်။
“ကျမကိုယ်တိုင်က တပ်မတော် ထဲမှာ မွေးဖွားကြီးပြင်းလာတဲ့ တပ်မိသားစုဝင်တဦးဖြစ်တာမို့ တပ်မတော်သားတွေ၊ တပ် မိသားစုဝင်တွေရဲ့ ဘဝကိုကောင်းကောင်းနားလည်ပါတယ်။ တပ်မတော်သားတွေကို ကျမလေးစား ချစ်မြတ်နိုးပါတယ်။”
“မြန်မာ့နိုင်ငံရေးမှာ တပ်မတော်သားတွေမပါဝင်ရဘူးဆိုတဲ့ အယူအဆကို ကျမလက်မခံပါဘူး”
“မြန်မာပြည်ရဲ့ ဒီမိုကရေစီ အသွင်ကူးပြောင်းရေးမှာ တပ်မတော်သားတွေလည်း ပါဝင်ရမယ်” လို့ အန်တီစု ထပ်ခါတလဲ လဲ ပြောဆိုသံတွေက တိုင်းပြည်ချစ်တဲ့ တပ်မတော်သားတွေအတွက် စိတ်ဓာတ်ခွန်အားအဖြစ် ပြောင်းလဲသွားစေပါ တယ်။
တပ်မတော်ရဲ့ဖခင်၊ အမျိုးသားခေါင်းဆောင်ကြီး ဗိုလ်ချုပ်အောင်ဆန်းရဲ့သမီးဖြစ်တဲ့ အန်တီစုကို ၁၉၄၅ ခုနှစ်၊ ဇွန်လ ၁၉ ရက်နေ့မှာ မွေးဖွားခဲ့တာ၊ အဲဒီအချိန်မှာ တပ်မတော်နဲ့ပြည်သူ အတူလက်တွဲပြီး ဖက်ဆစ်ဂျပန်တွေကို မြန်မာ့မြေထဲက အပြီးသတ်တိုက်ခိုက်မောင်းထုတ်နေဆဲကာလ၊ ဗိုလ်ချုပ်ဟာ မျိုးချစ်ဗမာ့တပ်မတော်ရဲ့ တဦးတည်းသော စစ်သေနာပတိ ချုပ်(ဗိုလ်ချုပ်)၊ အန်တီစုကို ထိန်းကျောင်းပြုစုစောင့်ရှောက်ခဲ့သူတွေဟာ တပ်မတော်သားတွေ ဖြစ်ပါတယ်။ သူတို့ထဲမှာ ယနေ့တိုင်သက်ရှိထင်ရှားရှိသူတွေ ရှိနေဆဲပါ။ သူတို့ဟာ အန်တီစုကို သမီးရင်း၊ နှမရင်းပမာ သဘောထားပြီး ချစ်မြတ်နိုး ယုယစောင့်ရှောက်သူတွေ ဖြစ်ပါတယ်။
မြန်မာ့တပ်မတော်မှာ ခေါင်းဆောင်တွေ အဆက်ဆက်ပြောင်းလဲလာခဲ့ပေမဲ့ ဗိုလ်ချုပ်ဟာ တပ်မတော်ရဲ့ဖခင်ဖြစ်မြဲ ဖြစ် နေဆဲပါ။ နောင်လည်း ဆက်ဖြစ်နေအုံးမှာပါ။ မြန်မာပြည်မှာ တပ်မတော်တရပ် သန္ဓေတည်ဖြစ်ပေါ်လာဖို့ ပထမဦးဆုံး တိုင်းတပါးကိုစွန့်စားထွက်ခွာ ကြိုးပမ်းခဲ့သူဟာ ဗိုလ်ချုပ်အောင်ဆန်းပါ။ တပ်မတော်ရဲ့အစ ဗမာ့လွတ်လပ်ရေးတပ်မ တော် ကို ဦးဆောင်မှုပေးခဲ့သူဟာ ဗိုလ်ချုပ်ပါ။ သူ့ကျွန်ဘဝရောက်နေတဲ့ မြန်မာပြည်ကို လွတ်လပ်ရေးရအောင် ခိုင်လုံတဲ့ အကြောင်းတရားတွေ ဖန်တီးပုံဖော်ပေးနိုင်ခဲ့တာလည်း ဗိုလ်ချုပ်ပါပဲ။
မြန်မာ့လွတ်ရေးပိသုကာ အမျိုးသားခေါင်းဆောင်ကြီး ဗိုလ်ချုပ်အောင်ဆန်းကို မြန်မာပြည်သူတရပ်လုံး ဘယ်တော့မှ မေ့ လို့မရနိုင်ပါ။ တပ်မတော်ရဲ့ဖခင် ဗိုလ်ချုပ်အဖြစ် တပ်မတော်သား မျိုးဆက်တိုင်းကလည်း ထာဝရ ဦးညွှတ်အလေးပြုနေ မှာ မလွဲပင်။
ဗိုလ်ချုပ်ဟာ တပ်မတော်ရဲ့ဖခင်ဖြစ်တာမို့ ဗိုလ်ချုပ်ရဲ့ နှလုံးသွေးတွေ တပ်မတော်အတွင်းမှာ အစဉ်အမြဲစီးဆင်း နေပါ တယ်။ အန်တီစုနဲ့ တပ်မတော်သားတွေဟာ ဖခင်တဦးတည်းက မွေးထုတ်လိုက်တဲ့ သားသမီး၊ မောင်နှမ ရင်းခြားတွေပါ။ အတိတ်ကာတခုအတွင်း အခြေအနေအတိုင်းအတာကန့်သတ်မှုတွေကြောင့်သာ အမုန်းမဲ့ အနေစိမ်းခဲ့ရတာ ဖြစ်ပါတယ်။
အခုတော့ အန်တီစုရဲ့ နယ်လှည့်စည်းရုံးရေး ခရီးစဉ်တွေမှာ လှိုက်လှဲတဲ့အပြုံးနဲ့ နွေးနွေးထွေးထွေး ကြိုဆို နှုတ်ဆက် သော တပ်မတော်သားတွေကို တွေ့မြင်နေရပါပြီ။ အန်တီစုရဲ့ တရားဟောစင်မြင့် ရှေ့မှောက်မှာ တခဲနက်အားပေး ထောက်ခံမှုပြုနေတဲ့ တပ်မိသားစုဝင် အမြောက်အများဟာလည်း လူထုနဲ့တသားတည်း တည်ရှိနေပါပြီ။
ဒီထက်ပိုပြီး အမှန်တရားလိုလားတောင့်တနေတဲ့ ပြည်သူလူထုကြီးရယ်၊ အန်တီစု ဦးဆောင်တဲ့ ဒီမိုကရေစီ အင်အားစု တွေရယ်၊ တပ်မတော်သားတွေနဲ့ တပ်မိသားစုတွေရယ် ညီညွှတ်ပေါင်းဆုံမိလာတဲ့အခါ မြန်မာ့လူ့အဖွဲ့အစည်းအတွင်းမှာ အင်အားကောင်းတဲ့ မြစ်တစင်း ရှင်သန်စီးဆင်းတော့မှာပါ။ အဲဒီမြစ်ရဲ့ ရေစီးအဟုန်နဲ့ လှပတဲ့မြန်မာပြည် အနာဂတ်ကို ပုံဖော်တည်ဆောက်နိုင်ဖို့ ကျနော်တို့အားလုံး တာဝန်ကိုယ်စီရှိပါတယ်။

နေမင်းသူရဲ့ နေ့သစ်မှ ဆောင်းပါးဖြစ်ပါသည်။

These icons link to social bookmarking sites where readers can share and discover new web pages.