နှစ်ပေါင်း ၁၀၀ကျော်သည့်တိုင် အများပြည်သူသွားလမ်းမကြီးအား တပ်မတော်မှ ပိတ်ဆို့ထားမှုကြောင့် သွားလာရေးခတ်ခဲကြောင်းပြောဆိုလာ ~ YaWai (ပိုင်စိုးသူ)

“တပ်မတော်ကာကွယ်ရေးဦးစီးချုပ်၏ အမိန့်အရ ရန်ကုန်တိုင်းဒေသကြီး၊မင်္ဂလာဒုံမြို့နယ်၊ ၃/ခ ရပ်ကွက်နှင့် အခြေခံပညာအလယ်တန်းကျောင်းတို့သို့ဆက်သွယ်ထားသောဘူတာရုံဟောင်းလမ်းမကြီးအား ပိတ်ဆို့ဆောင် ရွက်ထားရခြင်းဖြစ်ကြောင်း” (သ.မ.က) တပ်မှူးမှ တယ်လီဖုန်းဖြင့် ဆက်သွယ်မေးမြန်းသည်ကိုပြန်လည်ဖြေ ကြားသည်။နေ့စဉ်ပညာသင်ကြားရန်အတွက် အမှတ် (၄) အခြေခံပညာအလယ်တန်းကျောင်း၊မင်္ဂလာဒုံ၊ အောင်ဆန်း သူရိယလှသောင်ကျောင်း၊အထက (၂) မင်္ဂလာဒုံ ကျောင်းများရှိရာသို့ သွားနေကြရသည့် မူလတန်း၊ အလယ်တန်း၊ အထက်တန်းနှင့် တက္ကသိုလ်အသီးသီးမှ ကျောင်းသားကျောင်းသူများနှင့် ထို့နည်းအတူ နေ့စဉ်နှင့်အမျှဝမ်းရေးအတွက်လှုပ်ရှားရန်အတွက် ပြည်လမ်းရှိ စာတိုက်မှတ်တိုင်သိုို့ တိုင်းပြည် တာဝန် ထမ်းဆောင်နေကြသောဝန်ထမ်းများ၊ ၀မ်းစာရှာနေကြရသောလုပ်သားများ၊ ရောင်းချစားသောက် နေကြရသော ဈေးသည်များ၊ ဆွမ်းခံကြွနေသော ရဟန်းသံဃာတော်များ၊ အခြားကိစ္စအမျိုးမျိုးဖြင့်သွားလာနေရသော ပြည်သူလူထုများ သွားလာနေသောမင်္ဂလာဒုံမြို့နယ်ရှိ ဘူတာရုံဟောင်းလမ်းမကြီးအား တပ်မတော်မှ ပိတ်ဆို့ ထားသောကြောင့် သွားရေးလာရေးခက်ခဲမှုဒုက္ခများနေ့စဉ်နှင့်အမျှရှိနေသည်ဟု မင်္ဂလာဒုံမြို့နယ်၊ အမှတ် (၁)၊ ၃-လမ်း ၊ ၃/ခ ရပ်ကွက်မှ ရပ်မိရပ်ဖဖြစ်သော ဦးလှဌေးမှပြောသည်။ထိုသို့သွားရေးလာရေးခတ်ခဲခဲ့ပြီး အများပြည်သူများ ဒုက္ခရောက်ခဲ့သည်မှာ (၃-၆-၂၀၁၂)နေ့ ကတည်းကဖြစ် သည်။ ရန်ကုန်တိုင်းဒေသကြီး၊မင်္ဂလာဒုံမြို့နယ်ရှိ၊အမှတ် ၃/က ရပ်ကွက်၊ အမှတ် ၃/ခ ရပ်ကွက်၊အမှတ် ၁/က စံပြရပ်ကွက်၊(ချစ်တီးကုန်း)၊အမှတ် ၂/ခ ရပ်ကွက်များတွင်နေထိုင်လျက်ရှိသော ခန့်မှန်းလူဦးရေ (၁၆၀၀၀) ကျော်ခန့်မှာ လွန်ခဲ့သော နှစ်ပေါင်း (၁၀၀)ကျော်ကတည်းက လွတ်လပ်စွာအသုံးပြုသွားလာနေခဲ့သော တပ်မတော်စစ်ဆေးရုံကုတင် (၁၀၀၀)၏ အရှေ့ဘက်စာတိုက်ကားမှတ်တိုင်အနီိး ယခင်မင်္ဂလာဒုံဘူတာဟောင်း သို့ဦးတည်ဆက်သွယ်ထားသောလမ်းမကြီးအား တပ်မတော်သားဖွားမီးယပ်နှင့်ကလေးဆေးရုံကုတင် (၃၀၀)နှင့် တပ်မတော်သူနာပြုတက္ကသိုလ်တို့မှ (၂၈-၅-၂၀၁၂) ရက်နေ့တွင် ခြံစည်းရိုးများနှင့်သံတံခါးမကြီးများပြုလုပ်တပ် ဆင်ခဲ့ပြီး (၃-၆-၂၀၁၂) နေ့မှစ၍ ယနေ့ထိတိုင် တံခါးများအား သော့ခတ်ပိတ်ဆို့ထားခဲ့ပါသည်။ထိုသို့ပိတ်ဆို့ထားမှုကြောင့် အထပ်ဖော်ပြပါရပ်ကွက်များမှ နေ့စဉ်သွားလာနေကြသောကျောင်းသား၊ကျောင်းသူ လူမမယ်လေးများ၊ဆရာ၊ဆရာမများ၊အစိုးရ၀န်ထမ်းများ၊ကုမဏီဝန်ထမ်းများ၊ဈေးသည်များ၊ရဟန်းသံဃာများ၊သက်ကြီးရွယ်အိုများမှာ ထိုလမ်းမထက် အဆပေါင်းများစွာဝေးကွာလှသော အခြားလမ်း (ခရေပင်လမ်းမကြီး)မှ ကွေ့ပက်၍သွားလာနေရသောကြောင့် မလိုလားအပ်သောအချိန်များစွာကုန်ခြင်း၊လူပင်ပန်းခြင်း၊ကားများအချိန် ပြည့်ရှုပ်ထွေးသောလမ်းမကြီးဖြစ်သဖြင့် ကျောင်းသား၊ကျောင်းသူများနှင့်ကလေးသူငယ်များအဖို့ ယာဉ်အန္တရာ ယ်များစိုးရိမ်ရခြင်းကြောင့် မိဘ မောင် အမများက နေ့စဉ်နှင့်အမျှ ဆင်းရဲဒုက္ခခံပြီး သက်သက်အချိန်ပိုကုန်နေ ကြရပါသည်။ထို့ကြောင့် ရပ်ကွက်နေပြည်သူများမှစုပေါင်း၍ ရပ်ကွက်အုပ်ချုပ်ရေးမှူးထံတင်ပြရာ ရပ်ကွက်အုပ်ချုပ်ရေးမှူးမှ သက်ဆိုင်ရာတာဝန်ရှိသူများသို့ ဆက်လက်တင်ပြနိုင်ရေးအတွက် ကြိုးပမ်းခဲ့သော်လည်းတွေ့ခွင့်မရခဲ့ကြောင်း၊ “တယ်လီဖုန်းဖြင့်ဆက်သွယ်မေးမြန်းသောအခါ ထိုကိစ္စမှာ တပ်မတော်ကာကွယ်ရေးဦးစီးချုပ်၏ အမိန့်အရ ဆောင်ရွက်ခြင်းဖြစ်ကြောင်း”၊ (သ.မ.က) တပ်မှူးမှ ပြန်လည်ဖြေကြားခဲ့ပါသည်။ထို့ကြောင့်မြို့နယ်အုပ်ချုပ်ရေး မှူးသို့ဆက်လက်တင်ပြခဲ့သော်လည်း မည်သို့မျှတာဝန်ယူဖြေရှင်းမပေးနိုင်ခဲ့သောကြောင့် ” ၊(၄) ရပ်ကွက်နေပြည် သူများမှာ များစွာအတိဒုက္ခရောက်လျက်ရှိကြောင်း ရပ်မိရပ်ဖဖြစ်သော ၄င်း ဦးလှဌေးမှ ပြောသည်။ရဟန်းရှင်လူ၊ပြည်သူများ၏ကြုံတွေ့နေရသော ဒုက္ခကို တာဝန်ရှိသူအဆင့်ဆင့်ထံသို့ တင်ပြခဲ့သော်လည်း မည်သို့မျှ တာဝန်ယူဖြေရှင်းဆောင်ရွက်ပေးနိုင်ခြင်း မရှိပါသဖြင့် ရန်ကုန်တိုင်းဒေသကြီး အစိုးရအဖွဲ့၊ ၀န်ကြီးချုပ် ဦးမြင့်ဆွေထံသို့ အသနားခံစာကို (၂၄-၆-၂၀၁၂) နေ့ရက်စွဲပါစာမူဖြင့်တင်ပြခဲ့သော်လည်း “ယနေ့အချိန်ထိ တစ် စုံတရာအကြောင်းမထူးသေးကြောင်း၊ဒီအတိုင်းသာဆို ခန့်မှန်းလူဦးရေ (၁၆၀၀၀) ကျော်ခန့်နေထိုင်ကြသော (၄) ရပ်ကွက်နေ ရဟန်းရှင်လူ ပြည်သူများမှာ ရေဘေး၊မီးဘေးအတွက်အထူးစိုးရိမ်ရကြောင်း၊အကယ်၍ အခန့် မသင့် မီးဘေးများနဲ့ ကြုံတွေ့ခဲ့ရလျင် မီးသတ်ကားများ အ၀င်အထွက်လုံးဝမရနိုင်ကြောင်း၊သို့ပါသောကြောင့် အများပြည်သူများအား သနားငဲ့ညာသောအားဖြင့် ယခင်ကအတိုင်း လွတ်လပ်စွာသွားလာအသုံးပြုခွင့်ရရှိရေး အတွက် ပြည်သူပိုင်လမ်းအဖြစ်အမြန်ပြန်လည်သတ်မှတ်ပေးစေလိုကြောင်း” ၃/ခ ရပ်ကွက်၊ညီလာခံကျင်းပရေး ကော်မရှင်ဥက္ကဋ္ဌ ဦးမောင်မောင်ကပြောသည်။

ကိုဆက်

Copy From Hot News Weekly Web Page

These icons link to social bookmarking sites where readers can share and discover new web pages.