ကျပ် နှစ်သိန်းတန်ဖုန်းကဒ်များအား ဈေးပိုပေးဝယ်ယူနေရ ~ YaWai (ပိုင်စိုးသူ)

ရန်ကုန်မြို့ရှိ ဧပြီလပထမအပတ် စတင်ရောင်းချပေးနေသော ကျပ် နှစ်သိန်းတန် GSM Sim Card များအား သတ်မှတ်ဈေးနှုန်းထက် ဈေးပိုပေးကာ ၀ယ်ယူနေရကြောင်း ၀ယ်သူသုံးစွဲသူများထံမှ သိရှိရသည်။
လက်ရှိတွင် ကျပ်နှစ်သိန်းတန် GSM ဖုန်း Sim Card ရောင်းချရာတွင် ကျပ်ငွေနှစ်သိန်း သတ်မှတ်ထားသော် လည်း ၀ယ်ယူသူများသည် Sim Card ၀ယ်မရမည် စိုးရိမ်သောကြောင့် ဈေးပိုမိုပေးကာ ၀ယ်ယူနေခြင်း ဖြစ်သည်။

“ရန်ကုန်မှာ ချပေးတဲ့ဖုန်းက ၉ ရက်နေ့မှာပြောလို့ရမယ်ဆိုလို့ ကျနော်က ၇ ရက်နေ့မှာဝယ်တယ်။ ၂သိန်း ဆိုပေမယ့်လည်း ၂ သိန်းနှစ်သောင်းပေးပြီးဝယ်လိုက်တယ်။ လိုချင်လို့ပါ။ နံပါတ်ရွေးတဲ့အတွက်လည်း (၁) သောင်း ထပ်ပေးရတယ်။ အားလုံးပေါင်းဆို ၂ သိန်းသုံးသောင်းကျပါတယ်”ဟု ၀ယ်ယူသုံးစွဲသူတစ်ဦးထံက သိရှိရသည်။

အဆိုပါဖုန်းများကိုဧပြီလ၇ရက်နေ့မှစတင်ရောင်းချလျက်ရှိပြီး ရောင်းအားကောင်းနေကြောင်းနှင့် ယခင် ၅ သိန်းဖုန်းများထက်ပိုမိုကာ ရောင်းရကြောင်း ဖုန်းအရောင်းဆိုင်များမှ စုံစမ်းသိရှိရသည်။

“အခုလို ၀ယ်ယူမှု များနေတဲ့အတွက် ဖုန်းအရောင်းဆိုင်တစ်ချို့ဟာ သတ်မှတ် ထားတဲ့ ငွေကျပ် ၂ သိန်းထက် ပိုမိုကာ ကျပ် ၂ သောင်း ကနေ ၃ သောင်းအထိ ဈေးနှုန်းမြင့်တက် ရောင်းချတာဖြစ်တယ် ” ဟု ရန်ကုန်ရှိ ဖုန်းအရောင်းဆိုင်ဝန်ထမ်းတစ်ဦးကပြောသည်။

အဆိုပါ ဖုန်းများကို နံပါတ် ရွေးချယ် ၀ယ်ယူလိုလျှင်လည်း အပိုဆောင်း ကျပ်(၁) သောင်း ခန့်ထပ်ပေးကာ မိမိကြိုက်သည့် နံပါတ်ကို ရွေးချယ်ဝယ်ယူနိုင်ကြောင်းသိရှိရသည်။

လက်ရှိတွင် အချို့ဖုန်းဆိုင်များသည် ရန်ကုန်မြို့တွင် ချပေးသည့် ဖုန်းများသာမက နယ်တွင် ချပေးသည့် ဖုန်းများကိုလည်း ထည့်သွင်းရောင်းချလျက်ရှိကြောင်း သိရှိရသည်။

ရန်ကုန်တွင်ချထားပေးသည့် ဖုန်းများသည် ဧပြီလ (၉)ရက်နေ့တွင် စတင်ကာအသုံးပြု၍ ရနေပြီဖြစ်ပြီး နယ်တွင်ချထားပေးသည့် ဖုန်းများသည် ရန်ကုန်တွင် မေလ (၅) ရက်နေ့ နောက်ပိုင်းမှသာ အသုံးပြု၍ ရမည်ဖြစ်ကြောင်း ဆက်သွယ်ရေး၏ ထုတ်ပြန်ချက် အရသိရှိရသည်။

မြစ်မခမှ ဖြစ်သည်။

လက်တွေ့ ကျွန်တော် ၉ရက်နေ့က ၂သိန်းဖုန်းတစ်လုံးထပ်ဝယ်ပါတယ်။ Elite ကဲ့သို့သော ဆိုင်များက ဈေးတင်ခြင်းမရှိပါ။ သို့သော် ထိုနေ့က ဈေးတင်ရောင်းချခြင်းမရှိသော ဆိုင်များတွင် ဖုန်းအမှန်တကယ် ကဒ်ကုန်နေခဲ့သည်။ တချို့ ဆိုင်တွေမှာတော့ ဖုန်းကို ၂သိန်း၅ထောင် နံပတ်ရွေးရင် ၂သိန်း၁သောင်း၅ထောင် ခန့်ဖြင့် ရောင်းချသော်လည်း ဟန်းဆက်ဝယ်မှသာ ကဒ်ရောင်းသည်ကိုတွေ့ရသည်။ နောက်ဆုံး ကျွန်တော် ဝယ်တဲ့ဆိုင်မှာတော့ နံပတ်ကို ရွေးချယ်ခွင့်ရှိပြီး မှတ်ရသော နံပတ်များသာ ရောင်းသည်ကို တွေ့ရပြီး ကျွန်တော့်ဝယ်ဈေး ၂သိန်း၂သောင်းခွဲဖြင့် ဝယ်ယူခဲ့ရပါသည်။ နောက်ဆက်တွဲ အကျိုး အနေနဲ့ ယခုတလော ဂျီအက်စ်အမ် ငွေဖြည့်ကဒ်များ ရောင်းကုန်နေခဲ့ပြီး ဝယ်ယူရ ခက်ခဲနေသည်ကိုလဲ တွေ့ရသည်။

YaWai (ပိုင်စိုးသူ)

These icons link to social bookmarking sites where readers can share and discover new web pages.