အမျိုးသားဒီမိုကရေစီအင်အားစုပါတီ၏ တိုင်းရင်းသားလူမျိုးများအရေးပေါ်သဘောထားကြေညာချက် ~ YaWai (ပိုင်စိုးသူ)

အမျိုးသားဒီမိုကရေစီအင်အားစုပါတီ၏

တိုင်းရင်းသားလူမျိုးများအရေးပေါ် သဘောထား

ကြေညာချက်အမှတ် ( ၅/၂၀၁၂ )

ရက်စွဲ။ ။ ၂၀၁၂ခုနှစ် မေလ (၂၂)ရက်

၁။         ယခုအခါ ကချင်မြေတွင် တပ်မတော်နှင့် ကချင်လက်နက်ကိုင်တပ်ဖွဲ့အသီးသီးတို့အကြား အကြောင်းအရာအမျိုးမျိုး အပေါ်အခြေခံ၍ ဖြစ်ပွားနေသောတိုက်ခိုက်မှုများသည် ပြင်းထန်လာလျှက်ရှိသည်ကို ၀မ်းနည်းဖွယ်ကြားသိရပါသည်။ နှစ်ပေါင်း(၆၀)ကျော်အတွင်း နိုင်ငံရေး၊ အုပ်ချုပ်ရေး အရ မကျေလည်မှုများကို နှစ်ဖက်စလုံးမှ လက်နက်ကိုင်နည်းဖြင့် ဖြေရှင်း နေသော်လည်း ပြေလည်ခြင်း မရှိ။ ယနေ့တိုင် စိတ်မချမ်းမြေ့ဖွယ် ကြုံတွေ့နေရဆဲ ဖြစ်ပါသည်။ ယင်း၏အကျိုးဆက်အဖြစ် သိန်းနှင့်ချီသော အိုးအိမ်မဲ့၊ ခိုကိုးရာမဲ့၊ လူမှုဒုက္ခခံစားနေကြရသော အပြစ်မဲ့ကချင်ပြည်သူများအရေးကို ပြည်ထောင်စုတစ်ခု လုံး၏အရေး၊ ပြည်သူတစ်ရပ်လုံး၏အရေးဟု အမျိုးသားဒီမိုကရေစီအင်အားစုပါတီ (NDF) က ခံယူပါသည်။ လာမည့် ၂၀၁၂ခုနှစ် ဇွန်လ(၉)ရက်နေ့သည် အပစ်အခတ်ရပ်စဲမှုကျိုးပျက်၍ စိတ်မချမ်းမြေ့ဖွယ် တိုက်ခိုက်မှုများပြန်လည်ဖြစ် ပွားခဲ့ သည့် တစ်နှစ်ပြည့်မြောက်သည့် နှစ်ပတ်လည်နေ့ ဖြစ်ပါသည်။
၂။         သို့ပါ၍ ကျွန်ုပ်တို့ အမျိုးသားဒီမိုကရေစီအင်အားစုပါတီ(NDF)မှ နိုင်ငံသားအချင်းချင်းကြား လက်နက်ကိုင်စွဲ၍ စစ် မက်ဖြင့်သတ်ဖြတ်နေကြမှုများ၊ စစ်မက်ကြောင့်အတိဒုက္ခရောက်နေရမှုများကို အပြီးတိုင်ရပ်စဲစေရန်၊ ပြင်းပြသောအမျိုးသား စည်းလုံးညီညွတ်ရေးစိတ်ဓာတ်တို့ဖြင့်လည်းကောင်း၊ စစ်ကြောင့် မိတကွဲ၊သားတကွဲ၊ ငတ်မွတ်မှုဒဏ်၊ ရောဂါဘယဒဏ် စသည့် လူ့အခွင့်အရေးနှင့် နိုင်ငံသားအခွင့်အရေးတို့ ဆုံးရှုံးနေမှုများဖြစ်သော လူမှုရေးနာကျင်မှုများကို စာနာစိတ်တို့ဖြင့်လည်းကောင်း ဖြစ်ပွားနေဆဲလက်နက်ကိုင်ပဋိပက္ခများကိုချုပ်ငြိမ်းစေရန် အလေး အနက် တိုက်တွန်းတောင်းဆိုအပ်ပါသည်။
၃။         ဤမြန်မာနိုင်ငံတော်တွင် နှစ်ပေါင်း(၆၀)ကျော်အတွင်း အခြေခံဥပဒေသုံးမျိုးဖြင့် အုပ်ချုပ်မှုအဆက်ဆက်တို့ပြောင်းလဲ ဖြစ်တည်ခဲ့ပြီး ဖြစ်သည်။ သို့သော်လည်း ပြည်တွင်းငြိမ်းချမ်းရေး၊ အမျိုးသားစည်းလုံးညီညွတ်ရေးနှင့်လူနေမှုဘ၀တို့ မြင့်မား လာစေရေး စသည့်အဓိကကျသော နိုင်ငံရေးလိုအပ်ချက်များကို ဖြည့်ဆည်းပေးနိုင်ခြင်း မရှိခဲ့ပါ။ ယခုအခါ နိုင်ငံတော်သမ္မတ ကိုယ်တိုင်ဦးစီး၍ ငြိမ်းချမ်းရေးလုပ်ငန်းစဉ်တို့ကို ဖော်ဆောင်တော့မည်ဟု ကြားသိရပါသည်။ ဤသည်မှာ ပြည်သူတို့အတွက် ၀မ်းမြောက်ဖွယ်ဖြစ်သည်။ သို့ဖြစ်၍ ငြိမ်းချမ်းသာယာဖွံ့ဖြိုးတိုးတက်သောနိုင်ငံတော်ကြီးဖြစ်လာစေရန် သမ္မတကြီးဦးသိန်းစိန် ၏ငြိ်မ်းချမ်းရေး၊ ဖွံ့ဖြိုးတိုးတက်ရေးနှင့် ဒီမိုကရေစီရေး လုပ်ငန်းစဉ်များတွင် အပြုသဘောပူးပေါင်းဆောင်ရွက်ကြရန် အထူး လိုအပ်ပါသည်။ တိုင်းရင်းသားလူမျိုးများအရေးသည် အထက်ဖော်ပြပါနိုင်ငံရေးလိုအပ်ချက်တို့နှင့် ဒင်္ဂါးပြားတစ်ချပ်၏ခေါင်းနှင့် ပန်းသဖွယ် ခွဲခြားမရ တည်နေပေသည်။
၎။         သို့ဖြစ်ရာ အမျိုးသားဒီမိုကရေစီအင်အားစုပါတီ(NDF)သည် တိုင်းရင်းသားလူမျိုးစုများအရေးကို တစ်မျိုးသားလုံး အရေးအဖြစ် မှတ်ယူ၍ ဒီမိုကရေစီပြည်ထောင်စုသစ် ပေါ်ထွန်းလာရေးအတွက် အဓိကဆုံချက်နေရာတွင် ရှိနေသည်ဟု ရှုမြင် ပါသည်။ ဤတိုင်းရင်းသားလူမျိုးများအရေးကို ထိရောက်စွာဖြေရှင်းလိုလျှင် လက်နက်ကိုင်ပဋိပက္ခများကို အပြီးတိုင်ချုပ်ငြိမ်း ရေးမှ စရမည် ဖြစ်သည်။ ထို့ကြောင့် တိုင်းရင်းသားလူမျိုးများ၏ မွေးရာပါအခွင့်အရေးများ၊ ကိုယ်ပိုင်ပြဋ္ဌာန်းခွင့်များ၊ အခွင့်အ လမ်းနှင့် အဆင့်အတန်းအရ တန်းတူညီမျှမှုများ ၊ လူမျိုးဘာသာ၊မခွဲခြားဘဲ နိုင်ငံသားတိုင်းရရှိအပ်သော နိုင်ငံသားအခွင့်အရေး နှင့် ပိုင်ခွင့်များ စသည်တို့သည် ဒီမိုကရေစီနည်းကျ စစ်မှန်သောပြည်ထောင်စုဘ၀တွင်သာ ရရှိနိုင်မည်ဟု ကျွန်ုပ်တို့ အမျိုး သားဒီမိုကရေစီအင်အားစုပါတီ(NDF) က မမှိတ်မသုန် ယုံကြည်ပါသည်။
၅။         ထိုသို့ယုံကြည်သည့်အတိုင်း ကျွန်ုပ်တို့ အမျိုးသားဒီမိုကရေစီအင်အားစုပါတီ(NDF)သည် ပါတီ၏မူဝါဒ၊လမ်းစဉ်တို့နှင့် အညီ ပြည်တွင်းငြိမ်းချမ်းရေး အမြန်ဆုံးရရှိရေး၊ တိုင်းရင်းသားလူမျိုးတိုင်း၏ ပထမတန်းစား နိုင်ငံသားတို့၏ ရပိုင်ခွင့်များ ရရှိစေ ရေးနှင့် နိုင်ငံရေး၊ စီးပွားရေး၊ အုပ်ချုပ်ရေးနှင့် လူမျိုးရေးနယ်ပယ်အသီးသီးတို့တွင် တန်းတူညီမျှပြည်ထောင်စုသားတို့၏ ဘ၀ ကိုပိုင်ဆိုင်စေရေး စသည့်အချက်များကို ဥပဒေပြုအာဏာဘောင်အတွင်းမှလည်း ကြိုးပမ်းဆောင်ကျဉ်းသွားမည်ဖြစ်သည်။
၆။         ထိုသို့ကြိုးပမ်းရာတွင် ပြည်နယ်/တိုင်းဒေသကြီးနှင့် ပြည်ထောင်စုတို့အကြား စစ်မှန်သောပြည်ထောင်စုစနစ်နှင့် ကိုက်ညီသော အုပ်ချုပ်မှုအာဏာခွဲဝေကျင့်သုံးမှုပုံစံမျိုးသို့ ရောက်စေရေး၊ စီးပွားရေးဘ၀တို့၌လည်း သယံဇာတပင်ရင်းဒေသ နေ ပြည်သူတို့၏ အကျိုးစီးပွားပါဝင်သော သယံဇာတအခြေခံစီးပွားရေးအခွင့်အလမ်းတို့ ရရှိစေရေး စသည့် အမျိုးသားစည်း လုံးညီညွတ်ရေးသို့ ရှေ့ရှုသော၊ ဖြည့်ဆည်းသောဆောင်ရွက်ချက်များကို ကျွန်ုပ်တို့ပါတီမှ အထူးလိုလားပါသည်။ အထက်ပါ နိုင်ငံရေးစိန်ခေါ်ချက်များကို ဖြတ်ကျော်နိုင်ရန် လက်နက်ကိုင်ပဋိပက္ခများကို အပြီးတိုင်ချုပ်ငြိမ်းစေပြီး ငြိမ်းချမ်းသောမြန်မာ့ လူ့ဘောင်ကို ဖော်ဆောင်ရမည်ဟု ယုံကြည်ပါသည်။
၇။         ယင်းသို့ဖော်ဆောင်ရာတွင် လက်နက်ကိုင်ပဋိပက္ခချုပ်ငြိမ်းရေးမှာ အပစ်အခတ်ရပ်စဲရုံမျှဖြင့် အပြိးတိုင်မရရှိနိုင်ပါ။ ထို့ အတူ ယင်းပဋိပက္ခကို လက်နက်ဖြင့်ဖြေရှင်းပြေလည်လိမ့်မည်ဟုလည်း ကျွန်ုတို့ အမျိုးသားဒီမိုကရေစီအင်အားစုပါတီ(NDF)
မှ မယုံကြည်ပါ။ အပစ်အခတ်ရပ်စဲရေးသည် စစ်ရေးအရ နှစ်ဖက်ယုံကြည်မှုတည်ဆောက်ခြင်းသာဖြစ်ပြီး နိုင်ငံရေးပြဿနာကို နိုင်ငံရေးနည်းဖြင့် ဖြေရှင်းရေးသည်သာ အဓိကဖြစ်ပါသည်။ ထို့ကြောင့် နှစ်ပေါင်းများစွာ နိုင်ငံရေး ရှုတ်ထွေးမှုများ၊ နိုင်ငံရေးလို အင်ဆန္ဒများ၊ သယံဇာတခွဲဝေသုံးစွဲမှုအပေါ် မညီမျှမှုများ၊ အခြေခံအကြောင်းတရားအလိုက် ၊ ဒေသတစ်ခုချင်းကွဲပြားစွာ ကိုင်တွယ်ဖြေရှင်းရမည်မှာ ပေါ်လွင်နေပြီဟု ယူဆပါသည်။
၈။         ထို့ကြောင့် အပစ်အခတ်ရပ်စဲရေး၊ စသောငြိမ်းချမ်းရေးလုပ်ငန်းစဉ်နှင့် နိုင်ငံရေးနည်းဖြင့် တိုက်ရိုက်စတင်အဖြေရှာ သောနည်း နည်းလမ်းနှစ်ခုစလုံးကို တစ်ချိန်တည်းတွင် လိုက်လျောညီထွေ တွဲဖက်ကျင့်သုံးခြင်းနှင့် သီးခြားစီခွဲ၍ ကျင့်သုံးခြင်း တို့အားဖြင့် ငြိမ်းချမ်းရေးအဖြေရှာမှုကို တွန်းအားပေးရာရောက်မည်ဟု ယူဆပါသည်။ ထို့အတူ တိုင်းရင်းသားလူမျိုးများအရေး၊ ဒီမိုကရေစီရေးနှင့် စီးပွားရေးဖွံ့ဖြိုးတိုးတက်ရေးတို့ကို တစ်ဆက်တစပ်တည်း ဖော်ဆောင်ခြင်းဖြင့် စစ်မှန်သောဒီမိုကရေစီ ပြည်ထောင်စုသစ်ကို တည်ဆောက်နိုင်မည်ဖြစ်ပြီး ဤသို့ဖြင့် တစ်မျိုးသားလုံးသွေးစည်းညီညွတ်ရေးပန်းတိုင်ဆီသို့ မလွဲမသွေ ရောက်ရှိနိုင်လိမ့်မည်ဖြစ်သည်ဟု ကျွနု်ပ်တို့ အမျိုးသားဒီမိုကရေစီအင်အားစုပါတီ(NDF)မှ လေးနက်တည်ကြည်စွာ ယုံကြည် ကြောင်း ကြေညာအပ်ပါသည်။

မူဝါဒရေးရာကော်မတီ

အမျိုးသားဒီမိုကရေစီအင်အားစုပါတီ