စာနယ်ဇင်းသမားများ အကျဉ်းချထားသည့် စာရင်း၌ မြန်မာမပါဝင်တော့ ~ YaWai (ပိုင်စိုးသူ)

၁၉၉၆ ခုနှစ်မှ စတင်ခါ ပထမဆုံးအကြိမ်အဖြစ် စာနယ်ဇင်းသမား များအား ထောင်ချ ထားသော နိုင်ငံများ စာရင်း၌ မြန်မာနိုင်ငံ မပါဝင်တော့သည်ကို တွေ့ရသည်။ သို့ရာတွင် တစ်ကမ္ဘာလုံး၌ အကျဉ်းချခံနေရသည့် စာနယ်ဇင်းသမား ဦးရေမှာ အမြင့်ဆုံးသို့ ရောက်ရှိနေသည်ဟု နိုင်ငံတကာ အစိုးရမဟုတ်သော အဖွဲ့အစည်းတစ်ခုက နှစ်ပတ်လည် ကောက်ယူသည့် စာရင်းတွင် ဖော်ပြထားသည်။ “အရပ်သား အုပ်ချုပ်မှုသို့ သမိုင်းဝင် ကူးပြောင်းလာမှု၏ တစ်စိတ်တစ်ဒေသအဖြစ် လွန်ခဲ့သော နှစ်အတွင်း လွတ်ငြိမ်းချမ်းသာခွင့် များတွင် အကျဉ်းချ ခံထားရသည့် စာနယ်ဇင်းသမား ၁၂ ဦးထက်မနည်းကို လွှတ်ပေးခဲ့သည်” ဟု စာနယ်ဇင်း သမားများ စောင့်ရှောက်ရေး အဖွဲ့ (စီပီဂျေ) က ထုတ်ပြန်သည့် မြန်မာနိုင်ငံ အခြေအနေဆိုင်ရာ ထုတ်ပြန်ချက်တွင် ဖော်ပြထားသည်။ သို့ရာတွင် မြန်မာနိုင်ငံ၏ မီဒီယာ အခြေအနေသည် ဝေဝေဝါးဝါး ရှိနေဆဲ ဖြစ်သည်။ “မီဒီယာ အခြေအနေ ပြောင်းလဲမှုက တိုင်းပြည်ရဲ့ အလုံးစုံ ပြုပြင်ပြောင်းလဲရေး လုပ်ငန်းစဉ်တွေကနေ ရောင်ပြန်ဟပ် တာပါ။ အခုမှ အစပဲ ရှိပါသေးတယ်။ ကျွန်တော်တို့ အများကြီး မျှော်လင့် ထားလို့ မရသေးပါဘူး။ ဒါပေမယ့် ဖြည်းဖြည်းချင်း ရှေ့တိုးနေမယ်လို့ ကျွန်တော် ထင်ပါတယ်” ဟု ဧရာဝတီမဂ္ဂဇင်း အယ်ဒီတာ ကိုကျော်စွာမိုးက ပြောသည်။ ၁၉၉၀ ပြည့်နှစ်မှ စတင်ကောက်ယူခဲ့သည့် နှစ်ပတ်လည် စာရင်းများအရ ဒီဇင်ဘာလ ၁ ရက်နေ့အထိ တစ်ကမ္ဘာလုံးတွင် စာနယ်ဇင်းသမား ၂၃ ဦး ဖမ်းဆီးခံထားရသည်။ ယခင်နှစ်ကထက် ၅၃ ဦး တိုးလာခြင်းဖြစ်ကာ ၁၉၉၆ ခုနှစ်က စံချိန်တင်ခဲ့သည့် ၁၈၅ ဦးထက်လည်း ကျော်လွန်နေသည်။ တူရကီ၊ အီရန်နှင့် တရုတ်နိုင်ငံတို့သည် စာနယ်ဇင်းသမားများအား အကျဉ်းချမှု အများဆုံးပြုလုပ်သည့် နိုင်ငံများအဖြစ် စီပီဂျေက ဖော်ပြထားသည်။ အီရီထရာနှင့် ဆီးရီးယား နိုင်ငံများသည် ထိပ်ဆုံးငါးနိုင်ငံတွင် ပါဝင်သည်။ အဆိုပါ နိုင်ငံများမှ အုပ်ချုပ်သူများသည် စာနယ်ဇင်းသမား များကို လျှို့ဝှက်နေရာများတွင် ဖမ်းဆီးထိန်းသိမ်းထားပြီး တရားစီရင်မှု မရှိသလို၊ ရှေ့နေများ၊ မိသားစုဝင်များနှင့်လည်း တွေ့ဆုံခွင့် မရရှိကြဟု ဖော်ပြ ထားသည်။ ပြင်သစ်အခြေစိုက် နယ်စည်းမခြား သတင်းသမားများအဖွဲ့ (Reporters Without Borders) မှ ထုတ်ပြန်သည့် ၂၀၁၁/၁၂ ခုနှစ် စာနယ်ဇင်း လွတ်လပ်ခွင့် စာရင်းတွင်လည်း အီရန်၊ တရုတ်၊ အီရီထရာနှင့် ဆီးရီးယားနိုင်ငံများသည် အောက်ဆုံး ခြောက်နိုင်ငံတွင် ပါဝင်နေသည်ကို တွေ့ရသည်။ မြန်မာနိုင်ငံ၌ စာနယ်ဇင်းများအား ပုံနှိပ်ခြင်းမပြုမီ စာပေစိစစ်ရေးသို့ တင်ပြရသည့် စနစ်ကို ယခုနှစ် သြဂုတ်လတွင် ပယ်ဖျက်ပေးခဲ့ကြောင်း ၂၀၁၂ ခုနှစ် ဒီဇင်ဘာ ၂၁ ရက်နေ့ထုတ် မြန်မာတိုင်း(မ်) ဂျာနယ်တွင် ဖော်ပြထားပါသည်။

ခေတ်လူငယ်မှ

These icons link to social bookmarking sites where readers can share and discover new web pages.