ဒီဇင်ဘာ လဆန်းမှ စပြီး ကချင်ပြည် လွတ်လပ်ရေး တပ်ဖွဲ့ (KIA) နယ်မြေ စခန်းသိမ်း တိုက်ပွဲ အပါဝင် အစိုးရ စစ်ဆင် ရေး လှုပ်ရှားမှုများ တိုးတက်များပြား လာခဲ့သည်ဟု KIA စစ်ရုံးချုပ် အရာရှိ တစ်ဦးက ပြောပါသည်။ “ ဒီဇင်ဘာ (၂) ရက်နေ့က ကျနော်တို့ တပ်ရင်း (၃) ဖြစ်တဲ့ လော့ပွမ်စခန်းကို အစိုးရတပ်မ (၈၈) လက်အောက်ခံ တပ်တွေ က တိုက်ခိုက် သိမ်းပိုက် လိုက်ပါတယ်။ ပြီးတော့ ကချင်ပြည်နယ် အရှေ့ဖက် ပန်းဝါမှာလည်း တနေ့ကို တိုက်ပွဲတွေ (၉) ကြိမ် အထိ ဖြစ်လာတယ်။ တနိုင်းဖက်မှာလည်း ထိုးစစ် စနေပါတယ်။ ဒီတော့ အစိုးရ တပ်ဖွဲ့က ပိုပြီး လှုပ်ရှားလာနေတာ တွေ့ရပါတယ်” ဟု ဆိုပါသည်။
နိုဝင်ဘာလ (၂၆) ရက်နေ့မှ စပြီး အစိုးရ တပ်ဖွဲ့တို့သည် KIA တပ်ဖွဲ့များ ရှိရာ ဧရာဝတီ ရှေ့ဖက်ခြမ်း တပ်မဟာ (၅) ဒေသ၊ ရှမ်းပြည် မြောက်ပိုင်းရှိ တပ်မဟာ (၄) ဒေသ၊ ဗန်းမော်ခရိုင်တွင်းရှိ တပ်မဟာ (၃) ဒေသ၊ မြစ်ဆုံအောက်ပိုင်းရှိ တပ်မဟာ (၂) ဒေသနှင့် ဧရာဝတီ မြစ်ဆုံ အထက်ပိုင်းရှိ တပ်မဟာ (၁) ဒေသသို့ စတင် ထိုးစစ်ဆင် တိုက်ခိုက် ခဲ့ပါသည်။
တပ်မဟာ (၁) ဒေသတွင် ပန်ဝါမြို့နယ် နယ်ခြားမှတ်တိုင် (၆) ရှိသည့် KIA စခန်းတခုကို တပ်မ (၈၈) လက်အောက်ခံ တပ်ရင်း (၇၇) တပ်ဖွဲ့တို့က နိုဝင်ဘာလ (၂၈) ရက်နေ့တွင် ၈၁ မမ စိန်ပြောင်း အမြောက်ဖြင့် အကြိမ် (၃၀) ကျော် ပစ်ခတ် တိုက်ခိုက်ခဲ့သည်။
အစိုးရ စစ်ကြောင်း များသည် ရှမ်းပြည်နယ် လားရှိုးမြို့မှ စစ်ယာဉ် (၃၄) စီးနှင့် အတူ ကွမ်လုံဘက်သို့ ချီတက်ခဲံပြီး ဝိုင်းမော်မြို့ နယ်ရှိ KIA တပ်ရင်း (၃) အခြေစိုက်ရာ စခန်းဘက်သို့ နိုဝင်ဘာလ (၂၉) ရက်နေ့တွင် စတင် ထိုးစစ်ဆင်ပြီး ဒီဇင်ဘာ (၂) ရက်နေ့ ညနေပိုင်းတွင် သိမ်းပိုက် လိုက်ကြောင်း ဆိုပါသည်။
ထို့အပြင် ဒီဇင်ဘာလ (၁) ရက်နေ့တွင် တစ်နေ့ကုန် တိုက်ပွဲဖြစ်ပွားခဲ့ပြီး ယနေ့အထိ တိုက်ပွဲများ ဆက်လက်ဖြစ်ပွားလျှက် ရှိပါသည်။
“အပြင်းထန်ဆုံးက တပ်မဟာ (၅) နယ်မြေနဲ့ တပ်မဟာ (၁) ဒေသ တို့ပါပဲ။ စခန်းသိမ်း တိုက်ပွဲတွေလို့ ဆိုနိုင်ပါတယ်။ တွေ့ ဆုံဆွေးနွေးရေး အတွက်ကို ရည်ရွယ်ရင်တော့ ဒီလိုမျိုး တပ်အင်အားနဲ့ လာတာကိုက ဝမ်းနည်းစရာ ကောင်းတယ်လို့ ဆိုချင် ပါတယ်။”ဟု KIO ဗဟို ကော်မတီဝင် တစ်ဦးက ဆိုပါသည်။
 KIA communication
အောက်တိုဘာ (၃၀) ရက်နေ့ တရုတ်ပြည် ရွှေလီမြို့တွင် တွေ့ဆုံစဉ်က ၀န်ကြီး ဦးအောင်မင်းသည် နိုဝင်ဘာလ အတွင်း နိုင်ငံရေးအရ တွေ့ဆုံရန် ပြောဆိုချက်သည် တရားဝင် ကမ်းလှမ်းတာ မဟုတ်ဘဲ အလွတ် သဘောအရ ပြောဆိုခြင်းသာ ဖြစ်သည် ဟု KIA အရာရှိတို့က ယူဆထားကြောင်း ဆိုပါသည်။
“ကျနော်တို့ ဘက်ကတော့ နိုင်ငံရေး တွေ့ဆုံ ဆွေးနွေးရေးကို တရားဝင်ဖြစ်ဖို့ တောင်းဆိုနေတာပါ။ အလွတ်သဘောနဲ့တော့ မတွေ့ချင်ပါဘူး။ ပြီးတော့ စစ်ရေးအရ အပစ်ရပ်ရေး ကိစ္စတွေကိုဘဲ ပြောပြီးတော့ လက်တွေ့မှာ အစိုးရဖက်က စခန်းသိမ်း တိုက်ပွဲတွေ စစ်ဆင်ရေး တွေကိုဘဲ ဆင်လာနေမှတော့ ယုံကြည်နိုင်စရာ မရှိတော့ပါဘူး။ ကျနော်တို့ ဖက်ကလည်း နိုင်ငံရေး အရ ဆွေးနွေးတော့မယ် ဆိုရင် ကချင်ပြည်သူရဲ့ သဘောထားတွေကိုလည်း ရယူဖို့ လိုအပ်ပါတယ်။ ဒါကိုလည်း အချိန်ယူ ရ ပါ့မယ်” ဟု ၄င်းကဆိုသည်။
KIA သည် ၁၉၉၄ ခုနှစ်တုန်းက အစိုးရနှင့် အပစ်ရပ်စဲ ခဲ့ဘူးပြီး ၂၀၁၀ ခုနှစ် ပျက်ပြယ် သွားခဲ့ပါသည်။ ၂၀၁၁ခုနှစ် ဇွန်လမှစ ပြီး အစိုးရက စတင် တိုက်ခိုက်ခဲ့ရာမှ ယနေ့အထိ တိုက်ပွဲပြင်းထန် နေဆဲဖြစ်ပါသည်။ KIA သည် တိုင်းရင်းသား အခွင့် အရေး များကို နိုင်ငံရေးအရ တွေ့ဆုံ ဆွေးနွေးသည့် နည်းဖြင့် အဖြေရှာ လိုပြီး အစိုးရသည် အပစ်အခတ် ရပ်စဲရေးကိုသာ ဦးစွာရယူ ရန်ပြောနေပါသည်။


Copy From ရွှေဟင်္သာသတင်းဋ္ဌာန
These icons link to social bookmarking sites where readers can share and discover new web pages.
  • Digg
  • Sphinn
  • del.icio.us
  • Facebook
  • Mixx
  • Google
  • Furl
  • Reddit
  • Spurl
  • StumbleUpon
  • Technorati

Leave a comment

Join Free