မျိုးရိုးစဉ်ဆက် ငါးဖမ်းခဲ့သည့်အင်းကြီးတွင် ပြန်လည်လုပ်ကိုင်ခွင့်ပေးရန် ဧရာဝတီတိုင်း ကျုံပျော် မြို့နယ်အတွင်းရှိ တံငါသည် ၂၆၂ ဦးက နိုင်ငံတော်သမ္မတထံ ယမန်နေ့က လက်မှတ်ရေးထိုး တောင်းဆို လိုက်ကြသည်။

အကျယ် ၅ မိုင်ပတ်လည်ခန့်ရှိသည့် ရှားခဲအင်းကြီးအား ပုဂ္ဂလိက စီးပွားရေးသမားများက လေလံဆွဲ လုပ်ကိုင်ခဲ့ချိန်မှစ၍ ဒေသခံတံငါ သည် များ ငါးဖမ်းခွင့်မရတော့ဘဲ စီးပွားရေး ကြပ်တည်းလာနေသဖြင့် ပြန်လည် လုပ်ကိုင်ခွင့်ပေးရန် တောင်းဆိုကြခြင်း ဖြစ် သည်။

“အင်းကို ပုဂ္ဂလိကသူဌေးတွေ လာရောက်လုပ်ကိုင်တဲ့အချိန်က စပြီးတော့ ကျနော်တို့ ဒေသခံ ပြည်သူတွေဟာ စားဝတ်နေရေး ခက်ခဲတဲ့ အတွက်ကြောင့် ဒုက္ခအမျိုးမျိုး ရောက်ခဲ့ရပါတယ်။ ဒါကြောင့် နိုင်ငံ တော် အကြီးအကဲတွေထံမှာ အင်းကို ပြန်လည် လုပ် စားပိုင်ခွင့် ပေးဖို့ တောင်းခံကြခြင်း ဖြစ်ပါတယ်”ဟု ရှားခဲ ရွာသား တံငါသည် တဦးက ဧရာဝတီကို ပြောသည်။

ရှားခဲအင်းကြီးသည် ကျုံပျော်မြို့နှင့် မိုင် ၂၀ ကွာဝေးပြီး ဟင်္သာတနှင့် ကျုံပျော်ကြားတွင် တည်ရှိကာ ကျွဲခြံထောင့်၊ ရှားခဲ၊ ကန်စွန်းကွင်း နှင့် အင်းဒရယ် အပါအ၀င် ကျေးရွာအုပ်စု ၆ စု၊ ရွာပေါင်း ၅၀ ကျော်မှ လူပေါင်း ၁ သောင်းကျော် မှီခို အားထား နေသည့် အင်းကြီး ဖြစ် သည်။

နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ(နအဖ) စစ်အစိုးရ လက်ထက် ၁၉၉၈ ခုနှစ်က စတင်ကာ ရှားခဲအင်းအား ဧရာရွှေဝါကုမ္ပဏီက လုပ်ကိုင်ခွင့်ရရှိခဲ့ပြီး အင်းပိုင်အဖြစ် စောကပေါကို လုပ် ကိုင်ခွင့် တဆင့်ချပေးထားသည်မှာ ၁၄ နှစ်ဆက်တိုက် ရှိပြီဟု ဒေသခံ တံငါသည်များက ပြောသည်။ ဧရာရွှေဝါ ကုမ္ပဏီသည် ယခု ပြည်သူ့ လွှတ်တော် ဥက္ကဌ ဦးရွှေမန်း၏သား ဦးအောင်သက်မန်း ပိုင် ကုမ္ပဏီ ဖြစ်ကြောင်း သိရသည်။

ပုဂ္ဂလိကပိုင်အင်း ဖြစ်သွားချိန်၌ ဒေသခံတံငါသည်များ အလုပ်လက်မဲ့ ဖြစ်သွားကြပြီး ၀မ်းစာအတွက် နေပြည်တော်၊ ရန်ကုန်၊ မော်လမြိုင် စသည့် ဒေသများသို့ အလုပ်ကြမ်းများ သွားရောက် လုပ်ကိုင် နေ ကြ ကြောင်း သိရသည်။

“အဘရဲ့ မြေးတချို့ဆို နေပြည်တော်မှာ အလုပ်ကြမ်း လုပ်နေကြတယ်။ သားကလည်း ရန်ကုန် ကြိုးတံတားနားမှာ ကျောက်ထမ်း စားနေ ရတယ်။ မိသားစုတွေ အကုန် တကွဲတပြားစီ ဖြစ်နေတယ်”ဟု အ သက် ၇၀ ခန့်ရှိ ရှားခဲရွာသား တဦးက ပြောသည်။

မိဘများ၏ စီးပွားရေးကြပ်တည်းမှုကြောင့် ကျောင်းမတက်နိုင်သည့် ကလေးငယ်များ အလွန် များပြားနေသည်ဟု ယင်းဒေသတွင် လူ့ အခွင့် အရေး ပညာပေးလုပ်ငန်းများလုပ်ကိုင်နေသည့် လူ့အခွင့်အရေး ကာကွယ်မြှင့်တင်ရေးကွန်ရက်မှ ကိုမြင့်လှိုင်ကလည်း ပြော သည်။

“စီးပွားရေးအရ ဒီအင်းကို မှီခိုနေရတော့ လုပ်ပိုင်ခွင့် မရှိတော့ချိန်မှာ ကလေးတွေရဲ့ ပညာရေးမှာ အတော့်ကို သွားထိခိုက်တယ်။ အခုဆို ရင် အဲဒီ အင်းပတ်ဝန်းကျင်မှာရှိတဲ့ ကလေးတွေက တတန်း နှစ်တန်း ကိုတောင်မှပဲ ပညာသင်နိုင်တဲ့အနေအထား မရှိဘူး”ဟု သူက ပြောသည်။

၎င်းအင်းကြီးတွင် ငါးဖမ်းခွင့် ရရှိမှသာလျှင် စီးပွားရေး အလုပ်အကိုင်များ ပြန်လည် ကောင်းမွန်လာပြီး ကွဲကွာနေသည့် မိသားစုများ ပြန် လည် ပေါင်းစည်း နိုင်မည်ဟု ဒေသခံ တံငါသည်များက ပြောဆိုကြ သည်။

“ဒီအင်းကြီး လူထုရဲ့လက်ထဲကို ပြန်ရောက်မှသာလျှင် အဘတို့မိသားစုတွေ သိုက်သိုက်ဝိုင်းဝိုင်းနဲ့ နေလို့ရမယ်။ ဒါကြောင့် နိုင်ငံ တော် သမ္မ တကြီးအနေနဲ့ ဒီအင်းကြီးကို လူထုလက်ထဲကို ပြန်ချပေးပါလို့ အဘက တောင်းပန်လိုပါတယ်”ဟု အထက်ပါ ရှားခဲရွာသား အဘိုးအိုက ပြောသည်။

မြန်မာတနိုင်ငံလုံးတွင် လက်ရှိ လုပ်ကိုင်နေသော အင်းပေါင်း ၃၇၂၁ အင်းရှိပြီး ပဲခူး၊ ဧရာဝတီနှင့် စစ်ကိုင်းတိုင်းတို့တွင် အင်းလုပ်ငန်း အများဆုံး ရှိကြောင်း မြန်မာ နိုင်ငံ ငါးလုပ်ငန်း အဖွဲ့ ချုပ်၏ စာရင်းများ အရ သိရ သည်။

These icons link to social bookmarking sites where readers can share and discover new web pages.
  • Digg
  • Sphinn
  • del.icio.us
  • Facebook
  • Mixx
  • Google
  • Furl
  • Reddit
  • Spurl
  • StumbleUpon
  • Technorati

Leave a comment

Join Free