ရခိုင်ပြည်နယ်အရေး မြန်မာနိုင်ငံဆိုင်ရာ နိုင်ငံခြားသံရုံးကိုးရုံး သဘောထားကြေညာချက် ပူးတွဲထုတ်ပြန် ~ YaWai (ပိုင်စိုးသူ)

ရခိုင်ပြည်နယ်အရေးနှင့် ပတ်သက်၍ မြန်မာနိုင်ငံဆိုင်ရာ နိုင်ငံခြားသံရုံးကိုးရုံးက နိုဝင်ဘာလ ၉ ရက်နေ့ နေ့စွဲဖြင့် သဘောထား ကြေညာချက်တစ်ရပ်ကို ပူးတွဲထုတ်ပြန်ခဲ့သည်။
အဆိုပါသဘောထား ကြေညာချက် ပူးတွဲထုတ်ပြန်သည့် မြန်မာနိုင်ငံဆိုင်ရာ နိုင်ငံခြားသံရုံးကိုးရုံးမှာ သြစတြေးလျသံရုံး၊ အီဂျစ်သံရုံး၊ ပြင် သစ်သံရုံး၊ ဂျာမနီသံရုံး၊ ဂျပန်သံရုံး၊ ဆော်ဒီအာရေဗျသံရုံး၊ တူရကီသံရုံး၊ အင်္ဂလန်သံရုံး၊ အမေရိကန်သံရုံးတို့ ဖြစ်ကြသည်။
သဘောထားကြေညာချက်တွင် မိမိတို့သံရုံးများအနေဖြင့် ရခိုင်အရေး နှင့် ပတ်သက်၍ လွန်စွာပင် စိတ်မကောင်းဖြစ်မိကြောင်း၊ ယခုနောက်ဆုံး အရေးအခင်း၌ ထောင်ပေါင်းချီသော အပြစ်မဲ့ပြည်လူများ၏ အသက်နှင့် အိမ်ခြေပေါင်း မြောက်များစွာ ပျက်စီးဆုံးရှုံးခဲ့ရသောကြောင့် သက်ဆိုင်သူအားလုံးအား ဤကိစ္စလျင်မြန်စွာ ရပ်တန့်သွားနိုင်စေရန် မိမိတို့သံရုံး အားလုံးက တိုက်တွန်းပါကြောင်း၊ ရခိုင် ဒေသ၌ လုံခြုံရေးနှင့် ပြန်လည်တည် ငြိမ်အေးချမ်းမှုအား နိုင်ငံတကာစံညွှန်း အတိုင်း လုပ်ဆောင်နေသော မြန်မာ အစိုးရ၏ အားထုတ်မှုများကိုလည်း အပြည့်အ၀ ထောက်ခံပါကြောင်း၊ ဥပဒေနှင့်အညီ ပွင့်လင်းမြင်သာမှုရှိ အောင်ကိုင်တွယ်ဖြေရှင်းသွားနိုင်မည် ဟုလည်း ယုံကြည်ပါကြောင်း စသည့် အချက်များပါဝင်သည်။

ထောင်ပေါင်းချီသော အပြစ်မဲ့ပြည်လူများ၏ အသက်နှင့် အိမ်ခြေ ပေါင်းမြောက်များစွာ ပျက်စီးဆုံးရှုံးခဲ့ရသောကြောင့် သက်ဆိုင်သူအားလုံးအား ဤကိစ္စလျင်မြန်စွာ ရပ်တန့်သွားနိုင်စေရန် မိမိတို့သံရုံးအားလုံးက တိုက်တွန်းပါကြောင်း . . .

ထို့အပြင် ရခိုင်ပြည်နယ် ပဋိပက္ခ စုံစမ်းစစ်ဆေးရေး ကော်မရှင်နှင့် ပတ်သက်၍လည်း စုံစမ်းစစ်ဆေးမှု ပြုလုပ်နေမှုများကို မိမိတို့အားလုံးက အားပေးသွားမည်ဖြစ်ကြောင်း၊ မြန်မာအစိုးရကို တိုက်တွန်းလိုသည်မှာ ကော်မရှင်အဖွဲ့အား ထဲထဲဝင်ဝင်နှင့် ပွင့်လင်းမြင်သာမှုရှိအောင် ဆောင်ရွက်နိုင်ရန်အတွက် လုပ်ပိုင်ခွင့်ပေး ရန်ဖြစ်ကြောင်း၊ သို့မှသာ ဤပြဿနာကို အတွင်းကျကျသိနိုင်ပြီး နောက်နောင်တွင် ဖြစ်မလာနိုင်ရန် လုပ်ဆောင်နိုင်မည်ဖြစ်ကြောင်း၊ ထပ်မံ၍ မြန်မာအစိုးရကို တိုက်တွန်းလိုသည့်အချက် မှာ ရခိုင်ဒေသခံပြည်သူများအား အကူအညီပေးရန်နှင့် လူသားချင်းစာနာမှု အထောက်အပံ့များ အချိန်မီရောက် ရှိနိုင်ရန်အတွက် ဤရခိုင်ဒေသအတွင်း လွတ်လပ်စွာ သွားလာခွင့်ပြုရေးတို့ ဖော်ပြပါရှိကြောင်း သိရှိရ ပါသည်။
နိုင်ငံတကာ အဖွဲ့အစည်းများကလည်း ဤရခိုင်ဒေသ ရေရှည်ဖွံ့ဖြိုးမှုအတွက်နှင့် လူသားချင်းစာနာ မှု အထောက်အပံ့များအား အတူတကွ ပူးပေါင်းလုပ်ဆောင်သွားရန် အတွက် အဆင်သင့်ပင်ဖြစ်ကြောင်းလည်း ဖော်ပြထားသည်။
ထုတ်ပြန်ကြေညာချက်၏ နောက်ဆုံး၌ မြန်မာလူမျိုးများ၏ ငြိမ်းချမ်း ၍ ကြီးပွားတိုးတက်သော ဒီမိုကရေစီ နိုင်ငံဖြစ်လာနိုင်ရန်နှင့် ဥပဒေဘောင်အတွင်း၌ လွတ်လပ်စွာ နေထိုင်နိုင်ရန် မျှော်လင့်ချက်ကိုလည်း မိမိတို့အားလုံးက အပြည့်အ၀ ထောက်ခံအားပေး နေမည်ဖြစ်ကြောင်း၊ ဤရခိုင်အရေး သာမက တစ်နိုင်ငံလုံး အတိုင်းအတာ နှင့် ၎င်းပန်းတိုင်သို့ ရောက်ရန် မိမိတို့က အမြဲကူညီ အားပေးနေမည် ဖြစ်ကြောင်း ဖော်ပြထားသည်။

Copy From Eleven Media

These icons link to social bookmarking sites where readers can share and discover new web pages.